浙江省: 中华人民共和国省份

“浙江”是钱塘江个古称，意思是河水曲折，钱塘江是浙江顶主要个河流。唐朝辰光，两浙道搭江南东道介分出，该是“浙”该个字第一次来中国省级地方政府类出现。

2008年浙江省开展评选省花搭省树介。2009年1月16日浙江省“关注森林”工作会议召开，正式确认樟树为省树、兰花为省花，该次会议上头，金钱松（吉祥之树）、银杏（长寿之树）、毛竹（富民之竹）搭榧树（造福之树）介同时被确定为浙江省特色树，梅花（高洁之花）、荷花（清纯之花）、桂花（天香之花）搭山茶花（幸福之花）介确定为浙江省特色花。

主文章：浙江历史

今末浙江省个范围基本上来搭明朝早起形成。来该之前，今末子个上海搭江苏省个苏州、无锡、常州格当介，一直搭浙江省介来勒做个文化搭行政区头。该个统一个区域，先秦辰光为越人居住区，秦汉为会稽郡，六朝时称为“三吴”，唐宋时期为两浙道、吴越国、两浙路介，元朝是江浙行省。两浙个地理范围大致上北起长江，南搭温州，西起茅山、天目山或黄山一带，东至洋面。

 

浙江省里向个早期人类文明，先后有搭上山文化、小黄山文化、跨湖桥文化、河姆渡文化、马家浜文化及良渚文化介。其中良渚文化搭刚即介大约有5000年，是中国新石器时代晚期文化发展个最高水平。

到商末周初时期，两浙地区个越人建立了越国，春秋时期来勒浙江一带全盛。越国接落来搭北向个吴国介长期冲突。最后越国王勾践于公元前473年搭吴国消灭掉，光复两浙。

公元前222年，秦始皇向两浙来进攻，越国国君投降，为加强对越国人个统治，秦国搭浙江设立了一个会稽郡，首府来勒刚即个苏州。到东汉永建四年(129年)，会稽郡个中心邅嘞山阴（刚即个绍兴），苏州新设立了个吴郡。

三国时期，浙江省是吴国个领土。该个辰光浙江个经济稳定发展，临海郡个永宁县（刚即个温州）搭横藇船屯（刚即个平阳）介是当时个主要造船中心之一。

唐朝武德九年，大唐军队打进浙江省。大量北方流民南下搭浙江，安史之乱后，因为河北沦陷，关东失守，两浙成为大唐帝国赋税个重要来源地。

公元893年开始，钱镠及后代子孙开始通知浙江，是为吴越国。吴越国国家小，为防止拨隔壁个吴国（后来为南唐国）强落，所以其外交政策一直是“善事中国”（无论中原政府是唐、后梁、后唐、后晋、后汉、后周还是搭宋），搭日本、新罗、渤海格当介保持友好。对内，吴越国重视“保境安民”，特别是修海塘保护沿海居民生产，东南沿海稳定繁荣。978年，宋国大军压境，为保全两浙民生，吴越国君臣经过商议“纳土归宋”，成为宋两浙路。从吴越国搭宋介开始，杭州成为两浙地区个政治、经济搭文化介中心，宋南渡后杭州又成为全国个中心。

朱元璋个明朝军队来1368年攻进两浙，吞并浙西个张士诚搭浙东个方国珍被，设立浙江承宣布政使司。朱元璋为了将首都搭其生出个地方安徽凤阳介拼成南京，将传统上一直是两浙个苏州、松江格当地方划拨南京，以至今末个吴语区被人为个分成浙江搭江苏南部介两部分。

清朝道光廿年（公元1840年）7月5日，英国军队炮轰定海城，中英鸦片战争正式爆发。根据战后签订个中英江宁条约，宁波成为五口通商口岸之一。咸丰年间，太平军进入浙江，除温州以外，全省影响交关，人口从战前个3027万人跌勒jia1400万左右。。

辛亥革命以前，浙江是革命党活动活跃个地区，浙人章太炎、徐锡麟、秋瑾、陶成章格当成立光复会，影响波及长江下游和东南沿海。1911年11月，杭州新军起义，宣告浙江独立。1927年2月底，北伐军占領浙江全境，7月27日浙江省政府成立，来国民政府领导下，浙江开始十年建设，包括西湖博览会举办，钱塘江大桥通车。

1937年抗日战争爆发后，嘉兴、湖州、杭州相继失守。1941年4月19日，日本军来浙东沿海个镇海、石浦、海门、瑞安实施登陆，发动宁绍战役，浙东沦陷。1942年浙赣战役期间，為報復国军个坚强抵抗，日軍使用生化武器，造成人民重大伤亡。

地势

浙江省来勒中华人民共和国个东部。浙江省东向靠东海，海岸县曲折，湾、岛多猛。杭州湾是顶大个湾。沿海有舟山群岛格当介3千多兴岛屿分布，来中国各个省里头顶多。舟山本岛是浙江省顶大大岛。

全省山地面积占70%，有天台山、四明山、天目山、洞宫山、雁荡山格当分布，海拔一般来勒200－1000公尺。全省顶高是西南部个黄茅尖 (1921公尺)。

北向个杭嘉湖平原是长江三角洲个一部分，京杭大运河搭其穿过。别采还有沿海个宁绍平原、温黄平原、温瑞平原格当。 内陆地区大大小小盆地堆打。金衢盆地是浙江省顶大盆地。别样还有诸暨盆地、嵊新盆地、天台盆地、松古盆地格当。

河流、湖泊

浙江省河基本上统短而急。顶长是钱塘江，一个头子新安江出勒安徽省徽州地区，另外个头子衢江出勒衢州地区。渠拉来建德市梅城镇塞兜拢，流勒杭州湾。建德以下大眼个支流还有分水江、壶源溪、浦阳江、曹娥江格当。

别样交长眼河流，还有搭瓯江、灵江、甬江、飞云江、鳌江格当介。来浙江省北向个苕溪流勒太湖，属于长江流域。

浙江省湖老口。顶大个天然湖是宁波个东钱湖，水面面积19.89平方公里。顶大个人工湖是千岛湖，就是新安江水库，湖区面积573平方公里。 别样有名个还有搭杭州个西湖、嘉兴个南湖格当。

气候

浙江省算亚热带季风湿润气候，四季分明。春天价（3-5月）雨多，气候多变；热天价（6-9月）又热又潮；秋常里和暖；冷天价冰冷干燥。1月份平均气温2-8°C，7月份平均气温27-30°C。年降水量1000-1900 毫米。 农历五月份开始做梅，芒种后壬日入梅，夏至后庚日出梅，小暑该日打雷格话做重梅。 夏天家时介做风水。

11地级市，下级行政单位有个区、县级市、县。

• 1.杭州市 （上城区　下城区　江干区　拱墅区　西湖区　滨江区　萧山区　余杭区　建德市　富阳市　临安市　桐庐县　淳安县）

• 2.宁波市 （海曙区　江东区　江北区　北仑区　镇海区　鄞州区　余姚市　慈溪市　奉化市　象山县　宁海县）

• 3.湖州市 （吴兴区　南浔区　德清县　长兴县　安吉县）

• 4.嘉兴市 （南湖区　秀洲区　海宁市　平湖市　桐乡市　嘉善县　海盐县）

• 5.金华市 （婺城区　金东区　兰溪市　义乌市　东阳市　永康市　武义县　浦江县　磐安县）

• 6.丽水市 （莲都区　龙泉市　青田县　缙云县　遂昌县　松阳县　云和县　庆元县　景宁畲族自治县）

• 7.衢州市 （柯城区　衢江区　江山市　常山县　开化县　龙游县）

• 8.绍兴市 （越城区　诸暨市　上虞区　嵊州市　绍兴县　新昌县）

• 9.台州市 （椒江区　黄岩区　路桥区　温岭市　临海市　玉环县　三门县　天台县　仙居县）

• 10.温州市 （鹿城区　龙湾区　瓯海区　洞头区 瑞安市　乐清市　龙港市 永嘉县 平阳县　苍南县　文成县 泰顺县）

• 11.舟山市（定海区　普陀区　岱山县　嵊泗县）

来勒历史浪，浙江作为江南个地区，就一直有强势个经济实力，钱塘江流域也是“长三角”个重要组成部分。粮食生产以水稻种植为主，来勒明朝开始，丝绸、茶叶个生产逐步替代水稻种植，成为顶大个产业。瓷器制作也邪气发达，从宋朝开始，就被誉为“鱼米之乡”、“丝绸之府”，包括浙北个江南五府一直是帝国顶顶富庶个地区，有“苏湖熟，天下足”个美誉。来勒“改革开放”之后，浙江经济摆脱帝国统筹个枷锁，开始快速发展，民营经济比重大，弗过，大量外来人口也影响到浙江经济个长期发展搭投资环境。

浙江作为一个省份，是中国当前各个行政区里向经济发展顶平衡，也是发展顶快个之一，全省GDP总量1978年来勒中国第十二位，至1994年开始一直排勒第四位。1991年全省GDP总量突破1千亿元，2004年突破1万亿元，2008年突破2万亿元。

2007年，浙江GDP总量（最终核实数）达到1,8638.36亿元，搭上年比增幅达到14.5％，等全国总量个6.8％。其中，第一产业1,025.27亿元，等5.5％；第二产业10,092.00亿元，等54.15％；第三产业7,521.09亿元，等40.35％；2007年GDP人均37,128元。

根据2011年中科院发布中国各地区GDP质量排行，浙江来勒第三，仅仅排勒直辖市北京、上海后头，高于天津。2012年7月财政部公布个数据显示，2011年浙江人均可支配收入达到30,971元，仅次于上海个36,230元搭北京个32,903元，同样名列第三位。

2012年浙江省GDP总量达到34,606.30亿元，比上年增长8.0%。

作为继承传统吴越大部分地区个省份，浙江历来人文荟萃，产生过交关有名个杰出人物，来勒各行各业侪涌现出堪称东亚一流个人才群体。大部分人侪体现出典型个吴越人特质，是吴越人优秀品质个一种反应。

哲学、思想界

 

 

• 王充 东汉思想家
• 叶适 南宋哲学家，永嘉学派代表人物
• 陈亮 南宋哲学家，永康学派代表人物
• 王守仁（1472-1528），理学家，东亚历史浪数一数二个圣人级人物
• 朱之瑜（1600-1682），思想家，文学家，史学家，日本水戶学大师，水户黄门个老师
• 黄宗羲（1610-1695），明末清初著名思想家
• 龚自珍（1792-1841），思想家，文学家
• 章炳麟（1868-1936），又名章太炎，民主革命家、思想家、著名学者、语言学家，皇汉教父
• 蔡元培（1868-1940），教育家，革命家，政治家
• 王国维（1877-1927），近代中国著名学者，卓越个古文字、古器物、古史学家，诗人，哲学家，国学大师
• 赵紫宸（1882—1967），中国基督教神学家
• 张愚之（1882—1967），中国基督教会著名领袖
• 马寅初（1882-1982），教育家，政治家，“新人口论”个鼓吹人物，浙江大学校长，北京大学校长
• 金岳霖（1895—1984），中国哲学家、逻辑学家

政治、军事界

古代

• 勾践（无确切生卒年记载），越国国王，确立越国来勒东亚个霸权
• 孙权（182－252），三国时吴国开国皇帝，来勒赤壁之战击败军阀曹操，保卫吴越人生存。
• 陈霸先（182－252），南朝陈开国皇帝，南朝历史浪唯一吴越人出身个皇帝。
• 钱镠（852－932），吴越国开国君主，保境安民，几乎缔造日后浙江个政治文明，福泽百代
• 刘基（1311-1375），宰相，明朝开国元老，风水大师，后被明朝皇帝朱元璋迫害致死。
• 方国珍（1219-1374）元帝国末年称雄浙东，保境安民，造福一方。
• 于谦（1398－1457），明朝名臣，抗击内亚蒙古人，后被明朝皇帝迫害致死

另：严子陵，虞翻，方腊，孙坚，孙策，朱然，凌统，宗泽，方国珍，张煌言（张苍水），宋濂，葛云飞等。

中国国民党骨干搭领导人

• 辛亥革命光复会成员秋瑾、徐锡麟、蔡元培、陶成章、章太炎、朱瑞、汤寿潜、吕公望、陈伯平、马宗汉等
• 蒋介石（1887－1975），中国国民党总裁，后长期担任总统
• 陈其美（1878－1916），中华民国革命元勳，姪兒為CC系领袖陳果夫、陳立夫
• 张静江（1877－1950），中国国民党元老，曾任国民政府浙江省政府主席

其他军政要人

• 汤寿潜（1857－1917），清末“东南互保”个主要推动者搭立宪派领袖之一，浙江咨议局议长，浙江都督。
• 孙宝琦（1867—1931），清末任山东巡抚。武昌起义后，一度宣布山东独立，任都督。1924年任国务总理兼外交委员会委员长，任内搭苏联建立外交关系，向德国索赔成功。
• 徐錫麟（1873－1907），清末革命先烈，皖浙起义领导人。
• 沈家本（1840－1913），中国近现代法学个奠基人，第一个为中国引进西方法律体系个法学泰斗。
• 秋瑾（1875－1907），清末民主革命活动家，妇女解放运动先驱，皖浙起义领导人。
• 沈钧儒（1875—1963），浙江省谘议局副议长、省教育局局长。北京政府参议院秘书长，1926年任浙江省临时政府政秘书长。中国民主同盟发起人之一。
• 陶成章（1878－1912），中华民国革命元勳，光复会创建人
• 林徽因（1904－1955），著名建筑师，其夫为梁思成。中华人民共和国国徽和人民英雄纪念碑个设计者之一
• 殷汝耕（1885年－1947），殷汝驪之弟，中國近代財稅官僚及政治家，孫姪女為台灣企業家殷琪
• 马叙伦（1885－1970），教育家、书法家和民主人士，中国民主促进会创建人之一
• 董建华（1937－ ），香港特別行政區首任行政長官，父亲为前香港航業巨頭董浩云
• 范徐丽泰（1945－ ），香港特別行政區首任立法会主席
• 曹其真（1941－ ），澳门特别行政区首任立法会主席
• 吴小莉（1967－ ），著名媒体人

文学界

浙江作为吴越核心地区，文学成就一直傲视东亚。根据统计，从汉到现代，浙江籍文学家列入史册个已达到上千人，约占全国著名文学家个六分之一。浙江也是古代产生状元搭进士最多个省份，这一方面让浙江人拥有邪气高个素质修养，弗过，也让大汉族主义搭沙文主义来勒地方拥有市场，阻碍吴越文化认同个发展。

东晋辰光个谢灵运是东亚山水诗个创始人，沈约是六朝后期著名个史学家搭文学家，修有二十四史之一个宋书。唐太宗著名个十八学士当中六人是浙江人，唐宋辰光著名个诗人、词人还有虞世南、贺知章、骆宾王、刘禹锡、孟郊、朱淑真、周邦彦、陆游、张先、陈亮、吴文英、罗隐等。

清朝前期，嘉兴发源个浙西词派搭江南其他词派（如常州词派、阳羡词派等）争奇斗艳，形成了清代词文学个又一个高峰。袁枚是乾隆、嘉庆时期代表诗人，也是“乾隆三大家”之一。此外还有二拍作者凌濛初。

到20世纪，浙江更是涌现一大批文学家。出现了伟大个左翼文学人物鲁迅、茅盾，以及艾青、丰子恺、徐志摩、郁达夫、郑振铎、冯雪峰、夏衍、邵荃麟、吴晗、戴望舒、俞平伯、周作人、李叔同（弘一法师）、朱自清、柔石、殷夫、梁实秋、范文澜、苏雪林、张其昀等享誉中外个文学名人。

当代有名个作家搭学者还有查良鏞（金庸）、许晏骈（高陽）、余秋雨、余華、倪匡（卫斯理）、潘希真（琦君）、冯骥才、南怀瑾、麦家、趙寧、张抗抗等。

2008年起4年一度个茅盾文学奖颁奖地永久确定拉茅盾个故乡浙江乌镇。

科学技术界

浙江作为吴越，来勒几千年之前，就对科学技术有浓厚个兴趣。古代著名个科学家有铸剑鼻祖欧冶子，东汉著名炼丹家魏伯阳，著有梦溪笔谈个沈括，发明活字印刷个毕升，南宋辰光个数学家杨辉，清朝数学家李善兰等。到近代，因为地处沿海更多个接触西方现代科学，来勒科学界个浙江人层出不穷。

• 拉1948年选出个首届中央研究院81名院士（包括人文组）中，有20位院士来自浙江，占近1/4。

• 中华人民共和国成立以后个中国科学院和中国工程院“两院”院士（学部委员）中，浙江籍院士占了近1／5。

• 到2006年，浙江籍个中国科学院院士共203名（含外籍院士），占全部院士（含外籍院士）个17.8%。其中1955年首届中国科学院学部委员中，有浙籍科学家36名（不含哲学社会科学部），占迭个辰光172名学部委员（不含哲学社会科学部61人）个20.9%。

在两院院士当中，有：

• 中国近代地理学和气象学个奠基人、前浙江大学校长竺可桢，
• 著名数学家、前复旦大学校长苏步青，
• 微分几何大师、美国国家数学研究所第一任所长，沃尔夫数学奖第一位华裔获奖者陈省身
• 中国导弹之父钱学森
• 中国原子弹之父钱三强
• 两弹一星元勋屠守锷、赵九章、吴自良、陈芳允
• 中国现代遗传学奠基人之一谈家桢
• 中国现代物理研究奠基人严济慈
• 为拓扑学做了奠基性个工作个数学家吴文俊 （2000年度国家最高科学技术奖获得者）
• 中国固体搭半导体物理学奠基人黄昆 （2001年度国家最高科学技术奖获得者）
• 石油化工催化剂专家闵恩泽 （2007年度国家最高科学技术奖获得者）
• 中国著名物理化学家，无机化学家，教育家徐光宪 （2008年度国家最高科学技术奖获得者）
• 中国著名数学家谷超豪 （2009年度国家最高科学技术奖获得者）
• 中国实验胚胎学创始人童第周
• 中国细胞学、胚胎学个创始人之一，中国生物物理学个奠基人贝时璋
• 中国现代植物生理学奠基人，中国科学院植物生理研究所首任所长罗宗洛
• 中国科学院院长路甬祥
• 中国工程院院长徐匡迪
• 中国科学技术协会主席韩启德
• 中国工程院常务副院长、中国人工智能和计算机图形学专家潘云鹤等众多杰出科学家。

另外，没有入选两院院士但同样杰出个科学家还有多人，如有“外科第一刀”之称个著名外科专家沈克非，中國農學專家沈宗瀚以及台灣名物理學者沈君山父子。

商界

主文章：浙商

湖州人沈万三是明初天下首富。清末镇海人叶澄衷是帝国近代五金行业个先驱。以经营辑里丝起家个刘镛、张颂贤、庞云鏳、顾福昌这“四象”为首个湖州南浔商人是都吴越顶强大商人个群体之一。以虞洽卿、黄楚九、袁履登为代表个宁波商人曾经叱咤远东第一大城市上海。

现代有名个商界人士有：

• 海外——張忠謀、張虔生、殷琪、翁明昌、翁大銘、董浩云、邵逸夫、包玉刚、曹光彪、董建成、王德辉、陈庭晔、吴光正、李达三、邱德根、安子介等。
• 大陆——杨元庆、马云、丁磊、陈天桥、李书福、郭广昌、鲁冠球、冯根生、徐冠巨、宗庆后、宋卫平、邱继宝、黄巧灵、王均瑶、王阳元、鲍岳桥、求伯军、任正非、沈国军、江南春、叶立培、周成建、楼忠福、吴鹰等。

浙江先后产生过湖州商帮、龙游商帮、宁波商帮、温州商帮、义乌商帮等著名浙商群体。江浙财阀是国民政府个经济基础。

音乐、演艺界

• 柯受良（1953－2003），臺灣電影特技演員、導演，第一位成功飛越黃河壺口瀑布壯舉个中國人，其子為藝人柯有綸
• 王晶（1955-），著名導演王天林之子，电影及电视剧导演、编剧、制作人
• 张彻（1923-2002），著名电影导演，武俠電影始祖
• 蔣光超（1924-2000），台灣著名資深電視、電影演員
• 谢晋（1923-2008），著名电影导演
• 周慧珺（1939-），中国书法家
• 陈逸飞（1946-2005），著名导演、画家，视觉艺术家
• 陳道明（1955-），知名電視、電影演員
• 茅威涛（1962-），越剧第一小生，演员
• 丁噹（1983-），台灣著名歌手

其他演艺界名人还有周迅、王志文、汤唯、苗侨伟、何赛飞、邬倩倩、苏瑾、袁立、胡兵、俞飞鸿、叶璇、钱琳等。

体育界

吴越人一贯重视体育锻炼，产生过交关世界冠军，如世界围棋冠军马晓春、俞斌，著名体操运动员、奥运会跳马王楼云，蛙后罗雪娟，1500米自由泳世界记录保持者孙杨，两届奥运举重冠军占旭刚，奥运射击冠军朱启南，中国女排队长周苏红，著名体操运动员桑兰，皮划艇静水项目运动员孟关良，著名拉力赛车手徐浪，篮球国手郑武，国际象棋棋后许昱华，世界全壘打王暨知名日本職棒選手及總教練王貞治，世界跆拳道冠军王皓。

国家级风景名胜区：

• 杭州西湖风景名胜区
• 富春江-新安江风景名胜区
• 雁荡山风景名胜区
• 普陀山风景名胜区
• 嵊泗列岛风景名胜区
• 天台山风景名胜区
• 楠溪江风景名胜区
• 莫干山风景名胜区
• 雪窦山风景名胜区
• 双龙风景名胜区
• 仙都风景名胜区
• 江郎山风景名胜区
• 仙居风景名胜区
• 浣江－五泄风景名胜区
• 百丈漈－飞云湖风景名胜区
• 方岩风景名胜区
• 浦江仙华山风景名胜区

• 浙江大学
• 杭州电子科技大学
• 浙江工商大学
• 浙江工业大学
• 浙江师范大学
• 宁波大学

• 浙江省人民政府 档案，存勒互联网档案馆当中。（2007年8月19号）

浙江财经学院