植物

植物可以靠陽光或其他生物作爲營養爲生。多數植物儕利用佢自家个葉綠素，透過光合作用整營養出來。

 

古希臘人亞里斯多德擔生物區分成植物搭動物兩種。垃林奈系統裏向，就擔佢分成功植物界同動物界兩界。原先一眼真菌搭幾種藻類儕畀歸納進去，之但是無論垃專業方面，還是垃普通人眼裏向，蠻難對「植物」作完美而極之明確个界定。

當使用林奈對「植物界」昰個概念嗰陣，通常會是指三種概念个其中一種。由小到大，箇三個類群會是：

• 有胚植物，是最狹義个植物範疇。
• 綠色植物，由有胚植物、輪藻門（像煞車軸藻）同綠藻門（譬如石蓴）所組成。昰個分支是昰篇文个最終定義。
• 泛植物，由綠色植物、紅藻搭灰色藻所組成。昰個是定義最廣泛个植物分支，包含仔大多垃遠古時代直接吞噬藍菌而得到葉綠體个真核生物。

據估計乃朝全世界大約有350,000個植物物種，可以分類爲種子植物、苔蘚植物、蕨類植物搭蕨類相關。直至2004年，其中287,655個物種已經畀確認，有258,650種開花植物、16,000種苔蘚植物、11,000種蕨類植物搭8,000種綠藻。

成長

植物个成長通常是靠光合作用解決。植物會利用陽光作爲能源，擔大氣層个二氧化碳轉化成糖。昰些糖分會成爲植物个主要結構成份。植物同時要利用泥土取得水份、氮、磷咾啥个基本養分。當然氧氣亦是弗可以缺少个。

 

影垃成長个因素

• 植物个基因：佢絕對會影垃植物本身个成長，譬如大麥有排品種可以垃110日之內成熟，但垃其他相同个環境底下，就會生得比較慢，需要155日。
• 環境因素：亦即是溫度、水、光同泥土裏面个[[養分]咾啥。
• 其他生物个存在：植物會同其他植物爭空間、水份、光線同養分。植物可以互相搏到嘸沒一個能夠單獨成長。

簡單个植物像煞藻類，條命通常會交關短。其他植物就可以按佢个季節性成長模式，分成以下幾種：

• 一年生植物：垃一年裏面成長，並且繁殖个植物。
• 二年生植物：垃二年裏面成長个植物，通常會垃第二年時候繁殖。
• 多年生植物：成長交關年數，一旦成熟之後，會持續繁殖落去。