Prôze-Powezeye Zouprale
Zouprale, c' est on live di prôze-powezeye sicrît pa Émile Gilliard al moirt di s' feme (sipotêye «Zouprale»).
Il a vudî dins l' coleccion micRomania e 2022.
Contnou
Gn a èn adrovaedje filozofike e francès (p. 3).
Adon, on dvant-z-ouve, todi e francès, ki c' est ene biyografeye da Jeanine Schmitz, li feme do scrijheu (p. 5-6), ki l' live lyi est adressî.
Après ça, 20 bokets, ratournés e francès, vizon-vizu, sol pådje di gåtche (p. 8-47).
Avou on ptit motlî p. 49-51.
Boket d' atacaedje
Il ont seré l' ouxh del rowe
et shure li convoye k' irè rinde
les dierins oneurs a vosse coir et l' beni.
E l' coeyeur del måjhone,
i n' dimeure k' ene djin
po m' tini l' mwin et m' recoraedjî.
Vosse fåstroû est vude, peneus, diswaibyî.
Sacwants rôzes do djårdén,
beles et sins manires, come vos,
disflorixhnut, ene miete å côp, sol tåve.
Dji n' a nén brai. Dj' a l' cour trop gros
di vos awè veyou nd aler insi
après ostant d' anêyes d' awè viké eshonne.
Mins ene lujhance di Diu-l'-pere
vos ratind låvå, feye.
Vos estoz todi la e l' aireur del bele plaece,
mins foû d' mes ouys di tchå.
Li ptite aweye del viye ôrlodje tchictêye
et spotche a fwait les sgondes,
et dj' a des rujhes di sondjî
k' i vont poirter vosse coir e tere.
This article uses material from the Wikipedia Walon article Zouprale (prôze-powezeye), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.