Li salåde ordinaire, c' est ene sôre di verdeure avou des lådjès vetès foyes.
Sincieus no d' l' indje : Lactuca sativa
On les pout semer dins des pots, et les rpiker cwand ele sont grandes assez (10 cintimetes), po k' ele ni soeyexhe nén magneyes des lumçons.
On les pout dedja magnî après 6 samwinnes.
Fåt côper l' salåde divant k' ele ni monte a smince, po fé èn amagnî k' on lome eto ene vete salåde.
Si on l' vout leyî monter a smince, i n' fåt prinde ki les grandès foyes d' ådfoû, et leyî l' cour.
Les lumçons et les caracoles magnnut voltî les salådes. I fåt di tote foice les ahouwer di ces biesses la.
On pout mete des botayes di plastike côpêyes dizo l' cô, et k' on a rsaetchî l' cou. On pout ossu mete come ene baricåde avou des taeyantès piretes (graevetes di låve). Les fenes schåfes d' oû u les måres di cafè, ça n' va nén si bén.
Çou ki va co l' mî, c' est les prodûts towe-lumçon. I n' è fåt nén mete bråmint: kékes grins totåtoû des salådes (30 grins å mete cwåré, c' est ddja assez).
Gn a ossu des ronds viers formagnants des lumçons, k’ on vind tot vicants. Mins ça costêye tchir. Portant, po les cis k’ ont on grand corti, i seront cwite des lumçons po deus ans.
Les rates magnèt les raecinêyes des salådes.
Li cabuzete, c' est ene varyisté d' salåde, mins avou on gros cour.
Li salåde des tchamps et l' doûcete polèt replaecî l' salåde, li prumire e moes d' måss, li deujhinme e moes d' nôvimbe et decimbe (el Walonreye).
Gn a eto les scarole u andives.
This article uses material from the Wikipedia Walon article Salåde ordinaire, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.