Li Federåcion d' Rûsseye ( Российская Федерация, Rossiyskaya Federatsiya ( prononçaedje)), ou Rûsseye ( Россия, Rossiya), c' est on payis d' Urope et d' Azeye.
Rûsseye | |
Imne nåcionå: hymne national de la Russie | |
Mwaisse-veye | Moscou |
Lingaedje oficir | Rûsse |
Sitindêye • totåle • aiwe | 17 075 400 km² 13% |
Populåcion • totåle • dinsité | 146,804,372 dimorants 8.6 djins/km² |
Dislaxhaedje | 862 (Julian) |
Tchîf d' estat | Vladimir Poutene |
Prumî minisse | Mikhaïl Michoustine |
Manoye | rouble russe |
Coisse d' eure | UTC+02:00 |
Preficse telefonike | +7 |
Dominne internete | .ru, .рф, .рус, .su |
I gn a so les cmons Wiki des imådjes ou fitchîs son a vey avou Rûsseye | |
Il a des frontires avou l' Finlande, l' Estoneye, li Letoneye, li Litwaneye, li Pologne, li Belarûsseye, l' Oucrinne, li Djeyordjeye, l' Azerbayidjan, li Cazaxhistan, li Mongoleye eyet l' Chine.
Li no « Rûsse » vént d' on peupe vikigne k' ala del Baltike al Noere Mer, tot rmontant pu ridschinde les mouzes di l' Oucrinne, et s' astapler a Kiyev. C' est dandjreus li minme mot ki l' finwès « Ruotsi » (Suwede).
Li Rûsseye d' asteure s' a fôrmé a pårti del Moscoveye, ene dutcheye åtoû d' Moscou (e rûsse: Великое Княжество Московское). El Duk Ivan III ava wangnî conte l' ocupåcion mongole, e 1480, al aiwe Ougra. Li prumî tsår (li mot rûsse, li rwè di Rûsseye, e rûsse: царь) d' Moscou esteut Ivan IV di Rûsseye. Il ava prindou Kazan, Astrakhan ey el Sibereye.
Li prumî impreur d' Rûsseye, c' esteut Pire li Grand (k' a voyaedjî a Spå) k' a stindou l' payis e l' Azeye, et l' modiernijhî. Il a ossu prindou l' Suwede do trevén del Grand Guere do Nôr ey ava bastixh Sint Petersbork, e 1703.
Catrene II d' Rûsseye fourit ene imperresse ki shuva li filozofeye da Descarte. Ele kibata l' Impire Otoman ey ocuper l' Crimêye. Les Francès et ls Inglès el volît rprinde, mins si fjhît bate e l' guere di Crimêye (1854-1856).
Guere avou l' Djapon po les iyes Saxhalene (1903) (a-z aveuri)
Li dierin tsår Colas II d' Rûsseye, c' est on grand camaeråde da Yopôl II. Ci-ci va-st evoyî des sôdårds bedje po mwaistri ene revintreye e l' Bijhe di l' Iran, ocupé pa les Rûsses (1908) (a-z aveuri).
E 1918, al revintreye boltchevike, Nicolas II est disdjoké. Les boltcheviks edåmnut Guere civile rûsse.
Li Blanke Årmêye ava mamborné les boltcheviks, mins ces dierins avént wangnî.
Li payis prind l' tiesse di l' URSS.
Å dishonnaedje di l' URSS e 1992, el Rûsseye emantcha ene « union di dislaxhîs payis » avou les ancyinnès republikes sovietikes.
Vladimir Poutine, tot candjant l' mwaisse lwè, dimane al tiesse do payis di 1999 disk' ouy.
E 2022, li Rûsseye abroke e l' Oucrinne ki s' a pår raprepyî di l' Urope coûtchantrece.
Les veyes del Crimêye sont rwaiteyes på Rûsses po-z esse e l' Rûsseye (sins rujhe inte li 18inme sieke eyet 1954, la ki l' cåzilea a stî raloyî administrativmint a l' Oucrinne. Après 2014, les Rûsses les rloukèt come des veyes rûsses, mins bråmint des ôtes payis, nén.
Li Rûsseye est l' pus grande payis del Daegne.
Li laetche li pus parfonde, li laetche Bayical est sol Rûsseye, e Nonne del Sibereye.
L' aiwe di Volga, c' est l' pus long mouze e l' Urope.
Li Rûsseye, c' est onk des prumîs produjheus d' gåz naurel eyet d' petrole (mins ele n' est nén dins l' OPEP.
Sacwants scrijheus et powetes rûsses sont rlomés e monde etir.
Date | No e walon | No so plaece | Rimåkes | Date | Xxxxx |
---|
This article uses material from the Wikipedia Walon article Rûsseye, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.