L' oxhitrawôze u osteyoporôze, c' est ene maladeye la k' les oxheas si vudnut di leus minerås.
On sfwait oxhea est dit èn oxhåtrô (oxhea ås trôs).
Come di djusse, ces oxhs la divnèt pus fråles.
Elle si voet voltî dins les comeres après l' laidådje.
Li pacyin a des doleurs dins l' schene do dos. I va sovint roter a baxhete. Li toû do dvant-bresse discrexhe.
Les sketaedjes d' oxhea sont pus corants. Pår li fraiteure do cô do femur.
Al radio, li coir di l' oxhea est pus clair k' i n' divreut.
On a lontins volou ki l' boevaedje di laecea espaitchaxhe l' oxhitrawôze. Mins ciste idêye a stî disdite dins les anêyes 2010.
Li bodjaedje a pårti des cwarants ans, lu, est seut bon po n' nén fé di l' oxhitrawôze.
This article uses material from the Wikipedia Walon article Oxhitrawôze, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.