Li Tchant Des Walons

Pol discramiaedje des årtikes avou l' mot « Li Tchant des Walons », loukîz cial.

C' est ene tchanson e walon sicrîte e 1900 pa Théophile Bovy (dandjreus sol tipetape do "Minuit chrétien"), et metowe e muzike li 31 di may 1901 pa Louis Hillier.

Li muzike fourit metowe e concours pal "Ligue Walone". A ç' moumint la, Louis Hillier esteut el Grande-Burtaegne (come violonisse, compôzeu et tchîf d' orkesse), et trova l' anonce dins ene gazete deus djoûs divant l' dierin djoû po revoyî les airs. C' est dins l' trén et l' batea al wapeur po rivni a Anverse k' i compôza li muzike do Tchant.

Li "Tchanson des Walons" esteut aprume tchanté a Lidje, mins i si spårda raddimint so tote li Walonreye ey esse todi pus sovint loukî come l' ime del Walonreye.

C' est tot tchantant li Tchant des Walons ki les sôdårds disfindît les fôrts di Lidje e 1914.

Li 15 di djulete 1998, li Pårlumint walon clawa les simboles oficires del Walonreye (drapea, ime, fiesse). Gn ourit ene longue bate di dvizes divant do relére li Tchant des Walons. On rprotchive les fråzes ene miete deures come

Il ont språtchî l' innmi dzo leus talons.

Ci n' est k' après l' acceptance del tchanson k' on fjha on cåzaedje e francès po-z aler dsu. Mins mwintès soces di waloneus ni veyèt nén voltî si tchantaedje e francès.

Dabitude on n' tchante ki les prumî et cwatrinme coplets.

Tecse

Mwaisse modêye e walon (avou l' rifondowe ortografeye).

  so Wikisourd: Li Tchant des Walons

Odio

I gn a deus varyistés diferinnes d' èç tchant la (e walon) so les waibes : li coûte varyisté eyet l' longue, avou pår les cwate coplets :

• Modêye etire (3:49)
• Coûte (1:40)

Mins nerén, l' accint uzé est li ci d' Lidje.

Chal pa dzo les paroles e francès k' ont stî aplakêyes al muzike. A noter k' i gn a nén l' minme nombe di coplets, k' i n' sont nén dins l' minme ôre, et ki pa des côps li tecse e francès est ene miete lon erî do ci e walon.

 Loukîz a :Ratournaedje e francès

• (so l' Aberteke)
  •   Rapoirtaedje sol tchant des Walons (I)
  • Pådje do tchant des Walons so l' Aberteke
•   so Wikisourd: Categoreye:Li Tchant des Walons