Hakima Himmich, c' est ene rilomêye Marokinne, ene doctoresse, k' a skepyî e 1944.
Ele situdia et cminça a ovrer el France. Mins e 1980, ele rivna e Marok, et moussî el fak di medcene di Rabat. Lavola, pitchote a midjote, ele divént l' tchîftinne del seccion des maladeyes ki s' prindèt. C' est la k' ele voet li prumî cas d' sida e 1986.
Dispu don, elle a metou so pî so fotches, et moenner leye-minme ene soce di lûtaedje disconte do sida (Association Marocaine de Lutte contre le Sida).
C' est ene des rålès sincieuses ki dene des vraiys chifes, et oizeur dire kel maladeye wangne do terén. Eyet k' ene des cåzes c' est li spårdaedje del prostitucion, nén seulmint dins les veyes mins eto dins les grandès cinses k' espoirtèt des fruts, avou des crapådes k' î boutnut po des foirt pititès cwinzinnes. Et eto oizeur djåzer di ces djins la, respectiveuzmint, come di des "bouteuses avou leu seke po nouri leus efants", estô di des manires pus rabaxhantes come dire k' ele tinèt camaedje di leu coir. Çou ki n' est nén åjhey dins ene societé foirt wårdiveuse.
This article uses material from the Wikipedia Walon article Hakima Himmich, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.