Crustin Cwareme

Poenneuse såjhon

Cwarmea

Cwareme Mercudi des cindes Prumî semdi do cwareme Prumî dimegne do cwareme. Deujhinme dimegne do cwareme Troejhinme dimegne do cwareme Cwatrinme dimegne do cwareme Mitan-cwareme Cincwinme dimegne do cwareme Semdi d' Lazåre

Poenneuse samwinne Floreye Påke Sint Londi Sint Mårdi Sint Mercudi Blanc Djudi Bon Vénrdi Sint Semdi

Li cwareme, po les crustins, c' est ene termene di cwarante djoûs, ki les creyants dvèt fé penitince e rmimbrance do passaedje di 40 djoûs da Djezus-Cri dins l' dezert, et s' aprestyî po mia poleur goster pus tård li Påke.

Li cwareme kimince li mierkidi des cindes, ey esse foû li Semdi d' Lazåre.

Djusse divant cwareme, gn a l' cwarmea et les mascarådes, li schiråde eyet l' grand feu. Mins asteure, ces uzances la si fwaiynut eto tot do long do cwareme, tchaeke samwinne a on diferin viyaedje.

Li djoû vint e cwareme, c' est l' Letåré u mey-cwareme. A Ståvleu, c' est l' djoû des blanc-moussîs.

Li ledmwin do dierin djoû d' cwareme comince li peneuse samwinne, avou l' Florêye Påke

A pårti do blank-djudi al Gloriya, les clotches ni sounnut pus dins les eglijhes, et les djins sont houkîs a l' eglijhe pa des efants ki vont racter dins l' viyaedje. On djheut adon k' i tchessént l' cwareme foû. Li Sint-Semdi, après l' messe do ravicaedje on lzî dene leus oûs d' Påke. Adon i tchantént:

Ratata cwareme eva
Crocans les oûs, cwareme est foû

Li cwareme muzulman si lome "ramdinne".