Bas Payis Borguignons
Les Bas Payis borguignons, c' esteut èn ashonna di ptits estats retroclés pa les Ducs di Borgogne, avou l' såme di rfé ene sôre di Lotarindjeye.
Les Bas Payis Borguignons vont passer al famile des Hasbork (Habsbourg), pu divni les Bas Payis espagnols.
Impôrtance pol Walonreye
Les Bas Payis borguignons rashonnèt pol prumî côp des dutcheyes et conteyes ki vont dmorer essonne disk' å djoû d' ouy dins l' Walonreye, eyet pår dins l' Beldjike. Portant, li Principåté d' Lidje ni serè avou ls ôtes (mins djusse come payis ocupé) ki di 1465 a 1477.
Askepiaedje
Po les bokets ki rwaitnut l' futeure Walonreye :
- 1421 : Flipe di Borgogne ratchtêye li conteye di Nameur a Djan III d' Dampire, rwiné.
- 1427 : Flipe di Borgogne moenne li conteye do Hinnot (i dvénrè oficirmint conte e 1438).
- 1430 : I dvént Conte do Braibant.
- 1441 : I atchtêye li Dutcheye do Lussimbork.
- 1461 : pa des calmoussaedje, Tchåle di Borgogne fwait lomer Louwis d' Bourbon prince-eveke di Lidje. Mins ci-ci n' serè nén accepté des djins. Did la l' estat d' guere inte les Lidjwès et les Borguignons (1461-1468), pu l' ocupåcion (1468-1477). Adonpwis, li principåté d' Lidje ridvént on dislaxhî payis.
Sourdants
This article uses material from the Wikipedia Walon article Bas Payis borguignons, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.