Anton Cehov

Anton Cehov

Moted:	Антонъ Павловичъ Чеховъ 29 yanul 1860, 1860, 17 yanul 1860 Taganrog[*]
Deadam:	2 yulul 1904, 15 yulul 1904, 1904 Badenweiler[*]
Deadamakod:	ftisid[*]
Lifatopam:	Melikhovo[*]
Cal(s):	hisanan[*], hilautan lekonedas[*], higasediman[*], hilautan[*], hiprosadan[*], satiran[*], hidramatavan[*]
Tatät(s):	Lämporän Rusänik[*]
Matan(s):	Olga Knipper[*]
Pal(s):	Pavel Chekhov[*], Evgenia Chekhova[*]
Gem(s):	Maria Chekhova[*], Alexander Chekhov[*], Nikolai Chekhov[*], Mikhail Chekhov[*]
Dispenäd:

Pämotom in Taganrog, in Sulüda-Rusän, tü 1860 yanul 29, ed ädeadom sekü ftisid in lekälöp: Badenweiler, in Deutän, tü 1904 yulul 15. Karier omik as dramatilautan äprodon klatädavobotis fol, e konots gudikün omik pastunidons fa lautans e krütans. El Cehov ävobom as sanan dü dil gretikün kariera literatik oma. „Sanav binon jimatan obik“, äsagom balna, „e literat binon jilelöfäb obik“.

El Cehov älüvon teati pos seks negudik dramata: Mev ün 1896; ab dramat at pädönuliföfükon ad lobül valemik fa Lekanateat di Moskva hiela Konstantin Stanislavski, kel poso äprodon Ziom Vanya ed i dramatis lätik tel ela Cehov: Sörs kil e Celepagad. Lautots fol at binons plödakösömiko letodiks dramatanefe äsi publüge, bi pla dramatam kösömik el Cehov lofom „teati vima“ e „lifi in vödem blunöli“ Ne valikans ädigidons fikuli at: hiel Lev Tolstoy äsagom balna ele Cehov: „Sevol-li, no kanob sufälön eli Shakespeare, ab dramats olik binons badikums.“

El Tolstoy ye ästunidom konotis ela Cehov. El Cehov primo älautom onis te kodü mon, ab ven desir e dasteif literatiks oma äglofons, ädatuvom nulikosi stülik ä lekanik, kel eflunon volfami konota nulädik.„ Riganatäl omik binälon in geb ün tim at no kösömik „sevedafluma“, keli poso ägebof jiel [[Virginia Woolf (äsi nulädimans votik), kobü refudam zeili südöfik konotabinoda vönaoloveik. No äsäkusadom oki tefü fikuls stüla okik pro reidans; güo äblibom pö ced, das bligäd lekanana binon ad sakön, no ad gespikön.