Geweune Vachtegel
De geweune vachtegel (Zaglossus bruijni) is e miernegel die leeft in Nieuw-Guinea.
| Geweune vachtegel | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Taxonomische indêlienge | |||||||||||||
| |||||||||||||
| Sôorte | |||||||||||||
| Zaglossus bruijni Peters and Doria, 1876 |
't Is êen van de drie nog leevnde sôortn uut 't geslacht van de vachtegels (Zaglossus). Vachtegels zyn zoogbêestn die eiers leggn.
De geweune vachtegel wordt grodder of de geweune miernegel, 45 toet 77 cantimeter lank en 5 toet 10 kilo zwoar. Ip hunder rik stoan korte stekkers, die mêestal weggedookn liggn in de dikke vacht, uutgezoenderd ip de flankn. De vachtkleur is over 't algemêen zwart, moar ook doenkerbrune en blêekbrune bêestn zyn bekend. De stekkers zyn zwart, wit of zwart met e witte punt. De snute is styf lank en lichtjes noa beneen geboogn. An hunder pôotn hèn ze drie (somstyds vier) grôte klauwers.
De sôorte is te viendn ip 't Veugelkop-schiereiland en 't Foja-gebergte in 't westn van Nieuw-Guinea, in de provinsjes West-Papoea en Papoea, Indonesië.
Vachtegels zyn nachtbêestn, die overdag weggedookn zittn in hunder hol. Met hunder lange snute zoekn ze tusschn ofgevalln bloarn achter reegnworms, hunder belangrykste prooie.
 | Ofbeeldiengn die ier by passn ku je vien in de categorie Zaglossus bruijni van Wiki Commons. |
This article uses material from the Wikipedia West-Vlams article Geweune vachtegel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.