Pomerol

Pomerol
Pomerol en oumligg'nde gemêentn 44° 55' N, 0° 11' W
Geografie
Regio	Nouvelle-Aquitaine
Departement	Gironde
Arroundissement	Libourne
Kanton	Le Libournais-Fronsadais
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	6,24 km²
Inweuners
Inweuners	618 (2016) 99 inw./km²
Andere
Burgemêester	Jean-Luc Barbeyron
Postcode	33500
Webadres	Site van de gemêente Pomerol

Pomerol (ofte Pomirau in't lokoal dialekt van Gascogne) es 'n gemêente in't departement Gironde in de regio Nouvelle-Aquitaine in't zuudwestn van Vrankryk. 't Ligt ip apreupri 40 kilomèiters o d'ôostkantn van Bordeaux, by d'elliengn by de riviere de Dordogne. 't Grenst an de gemêentn Lalande-de-Pomerol, Néac, Montagne, Saint-Émilion en Libourne.

Pomerol es weireldgekend deur zynne wyn. De rôo wyn droagt 't keurmerk AOC (Appellation d'Origine Contrôlée) en es erkend sedert 1936. 't Rechtsgebied van de Pomerol es in vergelykienge mè da van't byligg'nde gebied van de Saint-Émilion redelyk klêen: 't besloat mor 785 ectoarn. Vo Pomerol-wyn gebruukn ze mêestol Merlot-druuvn, mor der wierd ôok Cabernet Sauvignon, Cabernet Franc, Malbec en Carmenère angeplant.

't Gekendste merk es de Château Pétrus. Van den deen wierd er mor letter gemakt en in minder goe joarn moakn ze der zelfst ginne, wa de wyn ôok redelyk prizzig makt. Buutn Château Pétrus zyn der nog êenigte and're gekende wyn'n, die ip ulder etiket de noame Pomerol meugn dragen, ounder and're La Conseillante, Gazin, l'Evangile, l'Eglise Clinet, Vieux Château Certan, Beauregard, le Bon Pasteur, Clos du Clocher, Château Bonalgue, le Pin en Château Clos Rene.

De mêeste beziensweirdigeedn in Pomerol ein 'n twuk te moakn mè de wynproduksje. Surtout de wynkastêeln en by-ôor'nde wyngoard'n zyn schôone oum zien lyk:

• Château Altimar
• Clos du Clocher
• Château Bonalgue
• Château Mazeyres
• Château Vieux Maillet
• Château de Sales
• Château La Croix Taillefer

In Pomerol stoat ôok 't Croix de Gay, e kruus langs de boane uut de zestiende êeuwe ip de route noar Santiago de Compostella.

Ofbeeldiengn die ier by passn ku je vien in de categorie Pomerol van Wiki Commons.