Den NMBS is de Belgsche spoorwegmoatschappye.
NMBS, SNCB | ||
---|---|---|
Volleduge noame | Nationale Maatschappij der Belgische Spoorwegen | |
Begunn in | 1926 | |
Ôofd- vestugienge | Brussle | |
Andêeloeder | Belgsche Fédéroale Stoat | |
Trajectn | Olle lynn in België en grens- trajectn | |
Totoal km | 3536 km | |
Doavan ounder eletric | 2809 km | |
Website | www.detrein.be |
NMBS stoa vô "Nationale Maatschappij der Belgische Spoorwegen". In 't Fraans gebruukn ze d'afkortienge SNCB wuk da stoat vô "Société Nationale des Chemins de Fer Belges".
'n NMBS is e noamloze vennootschap die in updracht van de Belgsche federoale overeid tringdienstn aanbiedt vanuut ol de Belgische stoaties. 't Netwerk bestoat uut 3536 km yzerweg woavan 2950 me eletric. In België is den NMBS den ênigstn aanbieder van openboar persônenvervoer mê trings, in tegenstellienge me B-Cargo. B-Cargo (vo de marsandieze) eit drie concurrentn; noamelik Dillen & Le Jeune Cargo (uut België), Rail4Chem (uut Duutsland) en Trainsport (uut België).
Da logo is ountwôrpn deur Henry Van de Velde in 1936.
België eit 3536 kilometers spôorweg in vergelykienge me 2809 km in Olland.
't Joenge België wos gefroengn in zyn ountwikkelienge deur de blokkoade van de Antwerpse Hoavn. 't Industriebekkn van Sarleroi en Luuk, woa da olle zwoare industrie, masienebouw en koomienen geconcentrêerd woarn ad uutweegn nôdig. Leopold I ad Stephenson in Ingeland tegengekommen. Je was oendr 'n indruk van zien stôomtrings. Je gebruukte ol zynen invloed om ier ook iezerweg'n te bouwn en je kreeg al zêre de steun van den Antwerpse Hoavn en de Woalse industriesteedn.
Den eesten van meie 1834 eit de regeringe beslist om een een net van 400 km iezerwegen uut te bouwn. Up 5 mei 1835 wos de êerste spôorlyne up't Europese vasteland grêed, tussch'n Brussel en Mecheln. 9 joar loater wos de noord-zuud en de oost-west spôorlyne grêed.
Ofbeeldiengn die ier by passn ku je vien in de categorie Tring stoaties in België van Wiki Commons. |
This article uses material from the Wikipedia West-Vlams article NMBS, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.