De meezjs, meuzjn of muggn (Nematocera) zyn 'n oendrorde van de twêevleuglign mê dinne gesigmenteerde voelsprietn en mêest larvn die in 't woatre leevn.
Meezjs | |||||||||||
---|---|---|---|---|---|---|---|---|---|---|---|
Simulium yahense | |||||||||||
Taxonomische indêlienge | |||||||||||
| |||||||||||
Oendrorde | |||||||||||
Nematocera |
Doaby ôorn de stikmeezjs (Culicidae), langpôotmuggn (Tipulidae), knuttn (Ceratopogonidae), krieblmeezjs (Simuliidae).
Meezjs zyn typiesch gekenmerkt deur droadvormige, gesigmenteerde voelsprietn die ook pluumachtig kunn zyn by sommigte vintjes. De Nematocera zyn e parafyleetiesche suborde, omda êen van de famieljes (Anisopodidae) blykboar e zustre-takson van de vliegn (Brachycera) is; 'n alternatieve klassifiekoasje ê vôorngesteld gewist woarin da de famielje Nymphomyiidae (tradiesjonêel geklasseerd by de Blephariceromorpha) verplatst is no zyn eign oendrorde, de Archidiptera, en ol d' oovrebluuvnde meezje-famieljs geplatst wordn in 'n oendrorde genoamd Eudiptera; echtre zyn de Eudiptera ook parafyleetiesch, en die klassifiekoasje is nie algemêen anveird. Vor e grôot stik te dankn an ze lange geschiednisse bluuft de noame Nematocera nog altyd in gebruuk.
De larvn leevn mêesta in 't woatre en z' ên e duudlikke kop mê moenddêeln die kunn angepast zyn vo fieltre-voedienge. De lyvn en de pôotn van de vulwassn insektn zyn geweunlik styf lank, en die twêevleuglign ên e reedlik lank achterlyf.
Veele sôortn vormn poariengszwermn van vintjes, en in sommigte van de deeze is de wedyvre vo de wuuvetjes geweldig. Aloewêl da veele sôortn (lik larvn) sterk verboenn zyn mê woatre, kutr ook binn e zeifste famielje mêer behoefte zyn no drôogre leefgebiedn.
Ofbeeldiengn die ier by passn ku je vien in de categorie Nematocera van Wiki Commons. |
This article uses material from the Wikipedia West-Vlams article Meezjs, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.