Citroen
De citroen (Citrus limon) is e gilwe citrusvrucht met e zeure smoake die groeit an e boom.
| Citroen | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Citrus limon | |||||||||||||||||
| Taxonomische indêlienge | |||||||||||||||||
| |||||||||||||||||
| Sôorte | |||||||||||||||||
| Citrus limon L., 1753 |
Uutzicht
Citroens zyn langwerpig van vorm, 8 à 12 cm lank met e puntig uutende. Êest zyn ze groen moa ze kommn geel on ze rype zyn. Z' èn e dikke, zeure peele die olie bevat met e styf stravve reuke. Ze groein an e boom die hêel 't joar deure groen bluuft en 80 joar oed kan kommn.
Verspreidienge
Citroens kommn van ôorsproeng uut de moessongebiedn in Zuudôost-Azië moar ook 't gebied roend de Middellandsche Zêe èt e perfect klimoat vo citrusvruchtn.
Gebruuk
De citroen bevat vele vitamine C. Citroensap wordt gebruukt vo limonade, frisdrank en cocktails te moakn en vo smoake te geevn in gerechtn, in marinades moar ook in patisserie lyk cake. Ook de geraspte citroenpeele wordt doavôorn gebruukt.
Uut de peele wordt een etherische olie geperst die gebruukt wordt in parfum, cosmetica, kortndrank en spekkn.
De voediengsweirde van 100 gram citroen is:
| Energetische weirde | 121 kilojoule (kJ) of 29 Kcal |
| Koolhydroatn | 9 gram |
| Eiwit | 1,1 gram |
| Vet | 0,3 gram |
| Vitamine C | 53 mg |
In fruutsalade is citroen styf geschikt vo bruunverkleurienge van d' andere vruchtn, lyk appels en banann, teegn te goan.
-
Citroenboom -
Blomme van de citroenboom
 | Ofbeeldiengn die ier by passn ku je vien in de categorie Citrus × limon van Wiki Commons. |
This article uses material from the Wikipedia West-Vlams article Citroen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.