Amerikoansche Zweirdschede
D' Amerikoansche zweirdschede (Ensis leei; synoniemn: Ensis americanus en Ensis directus) is e twêekleppige wêekbêeste die in zêe leeft.
| Amerikoansche zweirdschede | |||||||||||||
|---|---|---|---|---|---|---|---|---|---|---|---|---|---|
 Amerikoansche zweirdschede | |||||||||||||
| Taxonomische indêlienge | |||||||||||||
| |||||||||||||
| Sôorte | |||||||||||||
| Ensis leei M. Huber, 2015 |
De schelpe is oengeveer zes kès zo lank of dat ie brêed is en j' is licht geboogn. Je kan 20 cm lank kommn, j' hè vele groeiriengn en e schilfernde olyfbrune buutnste loage.
De bêeste leeft ingegroavn in zand of slibbig zand, in oendiep woater. Mè zyn gespierde voet kan-t ie hem styf zêre ingroavn. Je leeft van planktong en ander in 't woater zweevnde voedienge, lik algn.
D' Amerikoansche zweirdschede is ôorsproenkelik Amerikoans en wierd in 1978 vo den êeste kèr ipgemerkt in 't estuarium van den Elbe. Verzekers zyn der larvn doar mè 't ballastwoater van scheepn angevoerd. Van doaruut hèt de sôorte hem in tien joar noar al d' ôostelike kustn van de Noordzêe verspreid, woarby dat al d' inheemsche verwantn verdroengn zyn. De sôorte komt nu ook vôorn an de Westkust van Zweedn en langst de kustn van 't Iengels Kanoal. An de Vlamsche Kust zyn ze massoal angespoeld te viendn ip 't strange.
Lik styf vele twêekleppign zyn ook Ensis-sôortn eetboar.
 | Ofbeeldiengn die ier by passn ku je vien in de categorie Ensis directus van Wiki Commons. |
This article uses material from the Wikipedia West-Vlams article Amerikoansche zweirdschede, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.