Gawad Emmy
Ang Gawad Emmy (Emmy Award sa wikang Ingles) o mas kilala sa simpleng tawag na Emmy, ay kumikilala sa kahusayan sa industriya ng telebisyon, partikular sa Estados Unidos (EU) (bagaman meron ding hiwalay na seremonya para sa pandaigdigang pagpaparangal), at kapantay sa prestihiyo ng Gawad Academy (para sa pelikula), Gawad Tony (para sa teatrong Broadway), at Gawad Grammy (para sa musika).
Dahil ang Emmy Awards ay ibinibigay sa iba 't-ibang mga sektor ng industriyang pantelebisyon ng EU, ang mga ito ay iniharap sa iba' t ibang mga taunang seremonyang ginaganap sa buong taon. Ang dalawang mga pangunahing kaganapan ay ang Panggabihang Emmys (Primetime Emmys) at ang Pang-arawang Emmys (Daytime Emmys). May iba pang mga pambihirang seremonya ng Gawad Emmy na nagpaparangal sa mga programa sa isports, pagbabalita at dokumentaryo, pag-uulat na pang-negosyo o pampinansya, maging mga kagalingan sa teknikal na aspeto ng television programming (e.g. Primetime Engineering Emmys). Meron ding mga Rehiyonal na Emmys na ginaganap sa buong taon kung saan kinikilala ang kahusayan sa lokal at statewide na telebisyon ng EU. Sa karagdagan, ang Pandaigdigang Emmys (International Emmys) ay ibinibigay para naman parangalan ang kahusayan sa TV programming na ginawa at unang naisahimpapawid sa labas ng Estados Unidos.
Tatlong mga magkakaugnay ngunit hiwalay na organisasyon sa kasalukuyan ang naggagawad ng Emmy Awards: ang Academy of Television Arts & Sciences (ATAS), ang National Academy of Television Arts & Sciences (NATAS), at ang International Academy of Television Arts & Sciences (IATAS). ang Bawat isa ay responsable para sa pangangasiwa ng isang partikular na hanay ng seremonyang Emmy.
References
This article uses material from the Wikipedia Tagalog article Gawad Emmy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.