Vival'di Antonio
Antonio Lučo Vival'di (ital.: Antonio Lucio Vivaldi; sünd.
4. keväz'ku 1678, Venecii, Venecijan Tazovaldkund — kol. 28. heinku 1741, Ven, Pühä Rimalaine imperii) oli italijalaine, italižen operan školan muzikankirjutai. Violižnik-mastar, muzikopendai, dirižor, katoližen jumalankodikundan pap'.
| Vival'di Antonio | |
| ital.: Antonio Vivaldi | |
 Antonio Vival'di vl 1725 | |
| nimi sündundan jäl'ghe: | ital.: Antonio Lucio Vivaldi |
|---|---|
| radmižen toižend: | muzikankirjutai |
| sündundan dat: | 4. keväz'ku 1678[1][3][4][5][6][7][8][9][10][11][12][13][14] |
| sündundan sijaduz: | |
| valdkund: |
|
| kolendan dat: | 28. heinku 1741[1][3][4][5][6][7][8][9][10][11][12][14] (63 vot) |
| kolendan sijaduz: | Ven, Austria ertshertsogkond[d], Saksa-Rooma riik[d][1][11][13] |
| tat: | Giovanni Battista Vivaldi[d][15] |
| mam: | Camilla Calicchio[d] |
| avtograf: |
|
 Vival'di Antonio VikiAitas | |
Biografii
Antonio oli sündnu keričijan kanzha, hänen velled kändihe keričijoikš mugažo. Vänd violižel oli veroline italižiš keričendsijiš, i Antonion tat tegihe ezmäižeks opendajaks. Täuz'kaznu Antonio kändihe papin, no okai radnikoičendoid vällän tervhuden tagut i läksi rata armotomiden lapsiden muzikopendajan. Lugetas Vival'did 18. voz'sadan italižen violižvändon čomamahton kaikiš surembiš ezitajišpäi. Hän sai avarod tetabut Evropadme elon aigan, kunigazližen kanzad pakitoitiba hänele sädusid, no muzikankirjutai koli gollüdes muzikmaguiden vajehtusen tagut. Nügüd'aigan Vival'din sädusiden edestuz tegese avaromb.
Ansambliž-orkestrižen koncertan (concerto grosso) mastar, sädi 50 operad (vaiše läz 20 operan muzik om kaičenus), 517 koncertad i enamba mi sadad sonatad, kirjuti kantatoid, serenadoid i simfonijoid sur'il'man täht, Stabat mater-sekvencijoid jumalankodikundan täht. Vival'di om tetab ičeze instrumentaližkoncertoil, violižele eriližešti. Hänen nell' «Voz'aigad»-violižkoncertad mülüdas «Garmonijan rida melestegendanke»-ciklha.
Valitud sädused
- Operad
- «Otton ičeze villas» (1713, Ottone in villa)
- «Darijan vencastuz» (1716, L’incoronazione di Dario)
- «Džustino» / «Justin» (1724, Giustino)
- «Äred Roland» (1727 vn 1714 hänen-žo operan-libretton alusel, ital.: Orlando furioso)
- «Farnak» / «Farnak, Pontan ohjandai» (1727, Farnace)
- «Atenaida» (1728, Atenaide)
- «Olimpiada» (1734, L'Olimpiade)
- «Tamerlan» (1735, Il Tamerlano)
- «Grizel'da» (1735, Griselda)
- «Orakul Messenijas» (1738, L'oracolo in Messenia)
- Oratorijad
- «Moisei, faraonan jumal» (1714, Moyses Deus Pharaonis)
- «Üläihastui Judif'» (1716, Juditha Triumphans devicta Holo-fernis barbarie)
- «Völhoiden kumardelend» (1722, L’Adorazione delli tre Re Magi)
- «Montesuma» (1733, Motezuma)
Homaičendad
| Vival'di Antonio Vikiaitas |
This article uses material from the Wikipedia Vepsän article Vival'di Antonio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.