Vitebsk

Se om Vaugedvenäman toine kaikiš amuižemb lidn Polockan jäl'ghe i nellänz' ristituiden lugun mödhe.

Vitebsk
Вiцебск (vaug.)
Витебск (ven.)

Lidnanznam	Flag
Valdkund	Vaugedvenäma
Eläjiden lugu (2018)	377,932 ristitud
Pind	124,54 km²
Pämez'	Viktor Nikolaikin (sulaku 2009—)
Telefonkod	+375−212
Aigvö	UTC+3

Eländpunktan aluz om pandud vl 974, mainitase ezmäižen kerdan vl 1021 kuti Vidbesk-lidn. Vozil 1101−1320 oli ühtennimižen ruhtinazkundan keskuseks, vll 1508−1793 — Vitebskan sodaveikundan keskuz Sures Litvanman ruhtinazkundas. Vspäi 1772 oli mülünu Venäman imperijha.

Lidn oti ičeze nimen Vit'b-jogespäi, kudamban suhu lidnan aluz om pandud. Sijadase agjan päivnouzmaižes palas Päivlaskmaine Dvin-jogen (vaug.: Заходняя Дзвіна) kukhikahil randoil, 125..204 m korktusil valdmeren pindan päl.

Klimat om ven kontinentaline.

 

Vl 2012 eläjiden lugu oli 367,7 tuh. ristituid.

Vitebsk jagase koumeks rajonaks: Raudten, Oktäbrin i Pervomaiskii.

Raudten rajon sijadase lidnan päivlaskmaižes palas Päivlaskmaižen Dvinan oiktal randal. Rajonan territorijal keskendab lidnan tegimišton znamasine pala: ratas 25 tegimištedheotandad, 34 kohendusen da sauvondan organizacijad, kommunaližen ižandusen kompanijad, 20 transport- i sidoorganizacijad, päraudtestancii da avtobusvagzal.

Oktäbrin rajon om lidnan istorijan, kul'turan da tegimišton keskuz. Territorii otab pindan enamba mi 3500 ha. Sijadase lidnan pohjoižpäivnouzmas. Rajonan eländmassivad ühtištoittas nell' prospektad i enamb 298 irdad da kujod, kudambiden piduz om enamb 300 km. Vn 1999 rahvahanlugemižen mödhe 129 137 ristitud elädas rajonas.

Pervomaiskii rajon kogoneb kahtes sures palaspäi, kudambad sijadasoiš Päivlaskmaižen Dvinan i Lučosan randoidme lidnan suvipalas. Se om Vitebskan kaikiš tobjemb rajon. Ristitišt om läz 180 tuhad ristituid. Om tehtud vl 1940 heinkun 19. päiväl.

• Vl 1812 heinkun 28. päiväl olnu anastadud Vitebskas Napoleon päti tactä kampanii, miše antta lebu ičeze armijale i järgeta azjad Pal'šanmas. No hänele tehtihe vajehtada planad i jatkta mänend Moskvaha Venäman imperijan armijoiden ühtištoitusen Smolenskas elokun 3-nden päivän tagut.
• Vn 1820 semendkus i vn 1824 elokus A.S. Puškin ajeli Vitebskan kal't küksushe Odessaha i tagaze. Vitebskas om Puškinan mustpacaz (skul'ptor — I. Kazak, arhitektor — V. Jagodnickii), kudamb sijadase hänen nimen irdal.
• Vl 1828 N. Gogol' olehti Vitebskas.
• Vl 1866 oli avaitud ezmäine naižiden gimnazii, i vl 1874 oli tehtud lekariden tedosebr.
• Vozil 1892−1900 Il'ja Repin-pirdai eli läz Vitebskad.
• Vl 1887 Mark Šagal-pirdai oli sündnu Vitebskaha. Lidnan mel'kuva putub hänen kuvil ani paksus. Mainitesed laps'aigan lidnan polhe oliba hengaiteseks pirdajan täht.
• Vn 1895 heinkus ezmäine naine-parašütist O.M. Drevnickaja tegi Vitebskas ičeze ezmäižen hüpähtusen.
• Vl 1927 V.V. Majakovskii еzini runoid lugemas lidnalaižes teatras.
• Vhesai 2010 «Vaugedvenäman kul'turpälidn»-arvnimi oli Vitebskal.

•  
  Agjan kodirandantedištandmuzei
  (enzne ratuš)
•  
  Kezaline amfiteatr
•  
  Mark Šagalan čomamahton keskuz
•  
  Leninan ird

• Lidnan ohjastusen sait (vitebsk.gov.by). (ven.) (vaug.) (angl.)