Lidn Vašington

Vašington (anglijan kelel: Washington, D.C.

Oficialine nimi om Kolumbijan federaline ümbrik. Se om ičenaine territorii, kudamb ei mülü toižihe štatoihe.

Vašington
Washington, D.C.
 Lidnanznam
Lidn Vašington
 Flag
Lidn Vašington
Valdkund Amerikan Ühtenzoittud Valdkundad
Eläjiden lugu (2020) 689,545 ristitud
Pind 177 km²
Vašington Washington, D.C.
Pämez' Müriel Bauzer
(viluku 2015—,
Muriel Bowser)
Telefonkod +1−202
Aigvö tal'vel UTC−5,
kezal UTC−4
    Lidn Vašington Sil sanal voib olda toižid znamoičendoid; miše nähta niid, tulgat tänna.

Lidnan deviz om (latinan kelel): Justitia Omnibus (angl.: Justice for All, «Oigedsudind kaikiden täht»).

Lidnan nimed

Lidn sai ičeze nimen ezmäižen Ühtenzoittud Štatoiden prezidentan Džordž Vašingtonan mödhe. Vodespäi 1871 Vašington, Džordžtaun da toižed rajonad oma ühtenzoittud Kolumbijan federaližhe ümbrikho (anglijan kelel: District of Columbia, lühüdas: D.C.). Amerikalaižed tobjimalaz kuctas paginas lidnan «Di-Si»:kš vai «Vašington Di-Si»:kš, miše erištada lidnad ühtennimižes štataspäi AÜV:oiden lodehel.

Istorii

Vašingtonan alusenpanendan dat om 1791. voz'.

Geografii

Vašington sijadase AÜV:oiden pohjoižpäivnouzmas, 53 kilometras Atlantižen valdmeren randištospäi. Lidnan sijaduz om Potomak-jogen pohjoižrandal, sil om röunad Virginii-štatanke suvipäivlaskmal da Merilend-štatanke kaikil toižil polilpäi. Puištod ottas lidnan videndest, saum vezid om kümnendez (18,71 nellikkilometrad).

Klimat om subtropine neps. Voden keskmäine lämuz om +15,2 C°, kezakun-elokun +24,6..+27,2 C°, tal'vkun-uhokun +3,1..+5,4 C°. Ekstremumad oma −26 C° (viluku, uhoku) i +41 C° (heinku, eloku). Kezaaigan minimum om +6 C° (kezaku), tal'vaigan maksimum om +29 C° (uhoku). Paneb sadegid 1062 mm vodes, läz tazomäras kuidme, enamba semendkus-heinkus i sügüz'kus (100..110 mm kus), vähemba uhokus (67 mm). Paneb lunt 35 sm tal'ves. Keskmäine relätivine nepsuz vajehtase 58..70 % voden aigan.

Ristitišt

Kaikiš suremb lidnan ristitišt oli 802 178 eläjad vl 1950. Sid' ristitud sirdaškanziba ezilidnoihe, i vl 2010 kaikenaigaižiden eläjiden lugu oli 601 723 ristitud lidnan röunoiden südäimes. Köläidimenvuičcen migracijan taguiči ezilidnoišpäi ristitišt sureneb muupäivin ühthe millionhasai. Kaik 693 972 eläjad oli lidnas vl 2017. Vašingtonan lidnaglomeracijan eläjiden lugu om 6,3 millionad ristituid (2020, kudenz' surtte AÜV:oiš), oli 6,1 mln eläjid vl 2017.

Eläjad religijan mödhe (vl 2000): hristanuskojad — 58,1 % (katolikad, baptistad), islamanuskojad — 10,6 %, judaizman uskojad — 4,5 %, toižiden religijoiden polenpidajad i religijatomad — 26,8 %.

Tobmuz

Vn 2015 vilukun 2. päiväspäi Müriel Elizabet Bauzer radab 8. lidnan pämehen (meran, angl.: Mayor). Nece naine vajehti endišt Vinsent Grei-pämest.

Valdkundan koumen tobmuden oksiden ezitaikundad sijadasoiš Vašingtonas, sidä kesken AÜV:oiden prezidentan rezidencii (Vauged Pert') om, mugažo rahvahaližen znamoičendan muzejad da muštpachad. Mail'man bankan, Rahvahidenkeskeižen valütfondan, Amerikan valdkundoiden organizacijan (AVO), Amerikoidenkeskeižen bankan da Panamerikaižen tervudenorganizacijan päfaterad oma lidnas.

Transport

Avtobusad, ezilidnelektrojonused, velosipedad i taksid oma kundaližeks transportaks lidnas da sen ezilidnoiš. Vodespäi 1976 metropoliten radab lidnas (angl.: Washington Metro, Metrorail, Metro, vspäi 2023 om kuz' jonod, 98 stancijad, 208 km raudted). Päraudtestancii om kaikiš järedambišpäi AÜV:oiš.

Kaik koume lendimportad om läz lidnad, kaikid niid kävutadas tazomäras:

  • Rahvahidenkeskeine civiline Vašington Dalles-lendimport (IAD / KIAD) sijadase 42 km päivlaskmha lidnan keskusespäi. Sišpäi tehtas reisid mail'man äjihe maihe, mugažo AÜV:oidme;
  • Toine znamoičendal om Rahvahidenkeskeine civiline Baltimor/Vašington-lendimport Targud Maršallan nimed (BWI), se sijadase 48 km pohjoižpäivnouzmha lidnan keskusespäi. Lendimportaspäi tehtas reisid Keskuzamerikan maihe, Kanadha da Reikjavikha, no tobjimalaz AÜV:oiden lidnoihe;
  • Rahvahaline Vašington-lendimport Ronal'd Reiganan nimed (DCA) radab südäireisiden täht vaiše, sijadase ani lidnan röunan taga Potomak-jogen randal, vides kilometras suvhe lidnan keskusespäi.

Lidnan nägud

Lidn Vašington 
Vašingtonan monumentan panoram (2008)

Homaičendad

Irdkosketused



AÜV:oiden järedad lidnad
Enamba 3 mln. eläjid Los Andželes | Nju Jork
1—3 mln. eläjid Čikago | Dallas | Filadel'fii | Finiks | Hjuston | San Antonio | San Diego | San Hose
750 tuh. eläjid — 1 mln. Džeksonvill | Fort Uert | Indianapolis | Kolumbus | Ostin | San Francisko | Šarlott
Enamba 500 tuh. eläjid Al'bukerke | Baltimor | Boston | Denver | Detroit | El' Paso | Fresno | Las Vegas | Luisvill | Memfis | Miluoki | Našvill | Oklahoma Siti | Portlend | Sakramento | Sietl | Tuson | Vašington


Pohjoižamerikan pälidnad
Baster | Bel'mopan | Bridžtaun | Gvatemal-lidn | Havan | Kastri | Kingstaun | Kingston | Managua | Mehiko | Nassau | Ottav | Panam-lidn | Port-o-Prens | Port of Spein |
| Rozo | San Hose | San Sal'vador | Santo Domingo | Sent Džons | Sent Džordžes | Tegusigal'p | Vašington

Tags:

Lidn Vašington Lidnan nimedLidn Vašington IstoriiLidn Vašington GeografiiLidn Vašington RistitištLidn Vašington TobmuzLidn Vašington TransportLidn Vašington Lidnan nägudLidn Vašington HomaičendadLidn Vašington IrdkosketusedLidn VašingtonAmerikan Ühtenzoittud ValdkundadAnglijan kel'

🔥 Trending searches on Wiki Vepsän:

SanskritIspanijan kel'Bangladešan valdkundznamEmpair Steit BildingNikaragua (järv)Köl'nKorrea Rafael'DubovkBasketbolAngunLämoimägiJeiskMoldovan etnolektAnglijan Vikipedii2015Indoevropižed keledPuZulun kel'KärmojaKarakasNevondkundaline ÜhtištuzNiameiVihmSuomen kel'TehnologiiTobol'skBelorečenskAlaman kel'Kuz'järvTerračinPretoriiBaskalaižedOktavian AugustIrakNovosibirskDarvin Čarl'zLüblänaNorvegiiTehranAmerikan Ühtenzoittud ValdkundadLitvanmaKingstaunHorvatan kel'Synodontis pardalisBurkina FasoTettigoniidaeRevolücii Venämas vl 1917Gus' Hrustal'niiBosnii da GercegovinOlonecSlovenijan kel'VladikavkazAlžirFiniksArašKrestovskii-stadionPul (lidn, Horvatii)Admiralteiskii rajonVoin i kožmuzTegimišt.ru🡆 More