Socialine verk (angl.: social networking service) om Internetsait, se kävutase socialižiden kesksidoiden sauvondan da organizacijan täht.
Paralleližikš verk om reklaman sijaduz i marketingtedoidusiden abutuz.
Päeriližused: ičeze kävutajanlehtpolen sädand (pidab kirjutada todesižed NFI (ФИО) da informacii ičeze polhe), äi abutusid informacijan vajehtusen täht (čat, foto- i videoal'bomad, (mikro)blogad, kävutajangruppad da toižed). Kävutajan sebranikad oma «realižed» tobjimalaz (tunzi heid elos).
Verkoiden kaikiš tetabambad ozutesed oma Facebook, MySpace, Vk.com, Odnoklassniki, Google+, Twitter, LinkedIn, Bebo, mixi. Om severz'-se venälaižid socialižid verkoid, ozutesikš Vk.com, Odnoklassniki, AlterGeo, Maxpark, Moi Krug da toižed.
Elektronine tedotuzlaud tegihe socialižiden verkoiden edelkävujaks. Ezmäine CBBS-tedotuzlaud oli sätud IBM-kompanijan U. Kristensen-radnikal vl 1978. Vl 1983 kaik oli 800 elektroništ tedotuzlaudad mail'mas, vl 1988 — viž tuhad.
Satusekaz amerikaine Classmates.com-portal radaškanzi vl 1995, muga socialižed verkod saškanziba populärižust, šingotihe severt-se kümenikoid pojavid servisoid voz'kümnes. Socialižiden verkoiden todesine bum zavodihe vll 2003−2004, konz LinkedIn, MySpace i Facebook oma töhöpästtud. Runetas Odnoklassniki i Vk.com oma avaitud vspäi 2006.
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Socialine verk (sait), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.