Sarajevo

Se om Sarajevon kantonan administrativine keskuz da pala mugažo.

Sarajevo

Lidnanznam	Flag
Valdkund	Bosnii da Gercegovin
Eläjiden lugu (2013)	275,524 ristitud
Pind	141,5 km²
Pämez'	Abdulah Skaka (uhoku 2017—)
Telefonkod	+387−33
Aigvö	tal'vel UTC+1, kezal UTC+2

Eländpunktan aluz om pandud vl 1462 kuti Bosna-Sarai (turk.: saray «pert'kulu»). Lidn vastsi Tal'veližid Olimpižid vändoid vl 1984. Voziden 1992−1995 sodan aigan Istočno Sarajevo-lidn om olmas eriži ani suvhe, i Sarajevon serbine ristitišt poleni lujas formaližikš.

Sarajevo sijadase valdkundan keskuzpalan suvipäivnouzmas, mägidenkeskeižes katl'uses, Miläck-jogen randoil (36 km, bosn., serb. i horv. Miljacka, Dunain oigedpol'ne bassein), 550 m ü.m.t. keskmäižel korktusel.

Klimat om ven Keskmeren valatoitusenke. Voden keskmäine lämuz om +11,1 C°, kezakun-elokun +19..+21 C°, tal'vkun-uhokun +0,6..+2,4 C°. Ekstremumad oma −26,4 C° i +40,7 C°. Kezaaigan minimum om −3,2 C°, tal'vaigan maksimum om +21,4 C°. Paneb sadegid 950 mm vodes, läz tazomäras kuidme, enamba semendkus-kezakus i sügüz'kus-tal'vkus (85..91 mm kus), vähemba elokus (63 mm). Voib panda lunt redukuspäi sulakuhusai, haloid kezaaigan miččel taht kul.

Kantonan nell' municipalitetad oma lidnan paloikš: Centar, Novi Grad, Novo Sarajevo, Stari Grad.

Vn 2013 Bosnijan da Gercegovinan rahvahanlugemižen mödhe lidnan eläjiden lugu oli 275 524 ristitud. Ühthižen lidnan kaikiš suremb ristitišt oli 527 tuhad eläjid vl 1991. Kaik 555 tuhad ristituid elihe vl 2013 ezilidnoidenke 3350 km² pindal.

Rahvahad (ozutadud rahvahudenke vl 2013): bosnijalaižed — 81 %, horvatijalaižed — 5 %, serbalaižed — 4 %, toižed rahvahad — 10 %.

•  
  Novi Grad Igman-mägenke tagamal (2010)
•  
  BBI-torguindkeskuz da ofispert' vl 2013
•  
  Lidnan merii i Rahvahaline kirjišt (2013)
•  
  Päraudtestancijan i avtovagzalan torg vl 2011
•  
  «Sarajevo City Center» (om saudud vl 2014), vn 2016 nägu evrejan kaumžomaspäi

• Ispanii  Barselon, Ispanii (vspäi 2000)
• Egipt  Kair, Egipt (2006)
• Slovenii  Lüblän, Slovenii (2002)
• Pohjoižmakedonii  Skopje, Pohjoižmakedonii (2006)
• Horvatii  Zagreb, Horvatii (2001)

• Lidnan oficialine sait (sarajevo.ba). (bosn.) (horv.) (serb.) (angl.)