Himine Ühtnend
Himine ühtnend om palakaz substancii, kudambha mülüdas himižešti sidodud kaks' vai enamba erazvuiččiden elementoiden atomad (m.n.
geterosüdäitukuižed molekulad).
Voib lugeta himižikš ühtnendoikš mugažo nenid bazižid substancijoid, ku niiden atomad oma ühtenzoittud kovalentižel kosketusel: azot, hapanik, jod, brom, hlor, ftor, ezimeletaden astat-ki. Ei voi lugeda vezinikan i inertižid gazoid ühtnendoikš. Sadas ühtnendoid himižiš reakcijoiš.
Himižen ühtnendan mülünd kirjutase himižen formulan nägul, sen ližaks sauvond kuvadase strukturižel formulal. Himižed ühtnendad alištudas mülündan kaikenaigaižusen i kosketusiden äikerdoičendan käskusile.
Kävutadas himižen analizan metodoid (oz., kolorimetrii, hromatografii) löudmaha himižen ühtnendan kvalitativišt i kvantitativišt mülündad. Analitine himii tedoidab niid metodoid.
Joga himine ühtnend om CAS-nomeranke. Tetas enamba mi sada tuhad anorganižid ühtnendoid i enamba koumed millionad organižid himižid ühtnendoid. Kaik 350 tuhad ühtnendoid oma registriruidud tehmižen i kävutandan täht.
Homaičendad
 | Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Himine ühtnend, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.