Zanetta Farussi

Zanetta Farussi - pseudonimo de Maria Giovanna Farussi o Farusso - dita Ła Buraneła (Venezia, 27 de agosto 1707 – Dresda, 29 de novenbre 1776) xe stà na [[atora |atora]] [[Republica de Venesia |venesiana]].

Zanetta Farussi

Biografia
Nasimènto	Venèsia (Itàlia)
Mòrte	[[Categoria" was not found. (69 ani) Dresda
Atività
Posto de laoro
Ocupasion	[[Categoria" was not found.
Instrumento muxegałe	Voze
Fameja
Spoxa
Fiołi	Giovanni Battista Casanova (it) , Giacomo Casanova, Francesco Casanova (it)

Ła gera speciałisà nei cosideti "intermezzi", opere lexière che łe smesava łe rapresentasion de opare tragiche o dramatiche.

Ła ga maridà el 27 de febraro 1724 Gaetano Casanova, anca lu ator, dal cuałe ła ga avudo siè fiołi, ła paternità de qualchedun ła vien atribuia a vari personaji de spico de ł'aristocrasia venexiana e inglexe. El pì çełebre dei siè el xe sta ł'aventuriero e scritor Giacomo Casanova, ma anca altri du, Francesco e Giovanni, i xe sta pitori, soratuto el primo, de na serta notorietà.

Inte el 1726, dopo on aprendistato venesian fato al teatro San Samuele, de proprietà de ła fameja Grimani, ła xe partìa par Łondra insieme al mario e ła ga scuminsià na fortunà stajon de spetacołi. Ła se ga esibìo co suceso al Kings Theatre frequentà parecio dal principe de Gałes e futuro re Giorgio II.

Inte el 1727 a xe nato el secondogenito Francesco e ła maldicensa popołare ła ghe ne ga atribuìo ła paternità al prinsipe. A no xe ciaro sa se tratase soło de ciacołe opure de abiłi operasion de marketing che, inte el mondo del spetacoło, a se uxa far anca al di de inquò. Tornà a Venesia ła ga catà nove scriture inte el teatro San Samuele. Inte el 1733 el mario el xe morto, łasiandoła inte na situasion difiçiłe co sinque fiołi spetando el sesto.

Goldoni, che ła ga conosesta inte el 1734 a Verona, el ga scrito par eła ła comedia La pupilla, inte ła cuałe ironisava bonariamente sora ła pasion, e conseguente gełoxia, che ła beła atora ła gaveva susità in Giuseppe Imer, uno dei inprexari teatrałi pì noti de ł'epoca. Ła comedia ła xe sta rapresentà, soto forma de intermezo, insieme ała tragicomedia Belisario, senpre de Goldoni, inte el novenbre del 1734, inte el teatro San Samuełe dove Imer el svolgeva ła so atività.

Inte el 1735 ła xe partìa par na nova tournée ała volta de San Pietroburgo.

'Inte el 1737 ła xe sta scriturà a vita da ł'Eletore de Sasonia par recitar inte el teatro de Dresda, sità in dove ła ga pasà el resto de ła so vita e dove che ła xe morta el 29 de novenbre 1776.