Samuele Bersani

El xe un tra i artisti co el maxór númaro de riconosimenti da parte del Club Tenco, co tre Targhe Tenco.

Samuele Bersani

Biografia
Nasimènto	[[Categoria" was not found. (53 ani) Rimano (Itàlia)
Dati personałi
Formasion
Atività
Ocupasion	[[Categoria" was not found.
Atività	1991  –
Zènare	Pop
Influense	Lucio Dalla
Instrumento muxegałe	Voze
Sito web	samuelebersani.net

Ani Nonànta

Drìo de na inisiałe gaveta fata de concorsi muxegałi e miłitansa in alcuni grupi de bóce, Bersani, trasferìo a Bołogna, vien rimarcà e descòverto da Lucio Dalla che in tel 1991, drìo exibìrse in tel Cambio Tour, gà ła posibiłità de cantàr in vertaùra de ogni concerto. In sto contesto Samuele propone el pròio brano Il mostro, che se baxa sol tema de l'incomunicabiłità e so l'istória de un mostro pełóxo a sìe sàte, prima inseguìo morboxamente da stanpa e comunità sientifega e infìn copà in modo bruałe; el brano vien publegà in una versión dal vivo contegnìa in tel disco Amen.

El brano prełude al disco C'hanno preso tutto, che vien fora l'ano drìo. El sucéso xe imedià grasie a na cansón un mucio fasìłe a ła rècia dal tìtoło Chicco e Spillo che spopoła inte ła staxón de l'Istà. In tel 1994 ese Freak, el so segóndo album co el cuało el conquista el consenso xenerałe: pì de 150.000 copie vendùe e 56 setimane una drìo chealtra inte ła top 100 FIMI/Nielsen; del stés disco fa parte i brani Freak, Spaccacuore e Cosa vuoi da me. In tel 1996 el scrive par Lucio Dalla el testo de Canzone, brano contegnùo in tel'albun Canzoni che xe restà in testa a łe clasifeghe radiofoneghe par ben 4 mexi. El terso albun de l'artista gà tìtoło sénplise co asterischi. Publegà in tel 1997 e conosùo come Samuele Bersani, el disco vien antisipà dal singoło Coccodrilli. L'albun contien Giudizi universali, uno dei brani più maùchi e emosionanti scriti da Samuele co el cuało in tel 1998 el vinse el Premio Lunezia come mejo testo łeteràrio. Sénpre in tel 1998, in conpagnìa de Ivana Spagna, Gaetano Curreri e Leda Battisti, el partesipa a ła cołòna sonora del film de animasión de Enzo D'Alò La gabbianella e il gatto.

Ani Domìłe

In tel 2000 Samuele Bersani partesipa al Festival de Sanremo 2000, drènto ła categoria "Canpión" co ła cansón Replay, che se clasifega al 5º posto e otien el Premio della critica ''Mia Martini''. Replay presede l'usìda de l'albun L'oroscopo speciale che otien mediati consensi da ła critega e dal publego. A novenbre del stéso ano Samuele Bersani se prezentarà da nòvo a Sanremo, ma sta vòlta par retiràr un dei premi più spazemài de ła muzega d'autór, ła Targa Tenco come mejo albun de l'ano 2000. Łe cansón del so albun L'oroscopo speciale e alcuni estrati muzegałi de cansón de albun presedenti xe stà uxà cofà cołona sonora del film Chiedimi se sono felice, scrito e interpretà dal trio comico Aldo, Giovanni e Giacomo e pròpio par el stéso film el insìde ła cansón Chiedimi se sono felice; tra łe conpozisión par el sìnema, anca el brano Siamo gatti (1998) par la cołona sonora del film de anemasión La gabbianella e il gatto interpretàda ma no scrita dal cantadór de Rimini. In tel 2002 Bersani publega ła sua prima racòlta, dal tìtoło Che vita! Il meglio di Samuele Bersani, che oclude 15 cansón za conosùe al publego più ła zonta de tre nove : Milingo, Le mie parole e Che vita!, sta ùltema da ła cuała l'albun ciapa el nome, deventa suìto na hit, portando l'antołozia del cantadór romagnoło a sorpasàr i 150.000 dischi vendùi.

Inazónta el gà cołaborà co altri artisti, soratùto grandi nomi femenìni de ła muzega taliàna cofà Mina co el brano In percentuale (2002), Ornella Vanoni co el brano Isola (1998) del cuało el gà scrito el testo, e Fiorella Mannoia par la cuała el gà scrivesto el testo deCrazy Boy (1994).

Ani Domìłe