Astronomia Netun

Se ze drio parlar del cuarto pianeta pì grando, considerando el so diàmetro, e el terso se tegnemo in conto ła so masa. Netun el ga 17 volte ła masa de ła Tera e el ze lejeramente pì masìcio del so cuazi-zemeło Uran, ła cuała masa ła ze conpagna a 15 mase terestri, ma el ze manco denso in confronto de Netun. El nome del pianeta ła ze dedegà al dio roman del mare (Netun); el so sinboło el ze ♆ (), na version stiłizada del tridente de Netun.

Netun
Tipo	gigante ghiacciato (it) , pianeta esterior e pianeta esterior
Descuerzidore	Urbain Le Verrier John Couch Adams (it) Johann Gottfried Galle (it) Heinrich Louis d'Arrest (it)
Data descuerzimento	23 de setenbre del 1846 , osservatorio di Berlino (it)
Epònemo	Nettuno (it)
Ojeto pare	Sołe
Ojeti fiołi	Naiade (it) Talassa (it) Despina (it) Galatea (it) Larissa (it) Proteo (it) Tritone (it) Nereide (it) Alimede (it) Sao (it) Laomedea (it) Psamate (it) Neso (it) Ippocampo (it) Anello Adams (it) Anello Arago (it) Anello Galle (it) Anello Lassell (it) Anello Le Verrier (it) Anello Courage (it) Anello Egalité 2 (it) Anello Liberté (it) Anello Egalité 1 (it) Anello Fraternité (it)
Època	J2000.0 (it)
Dati orbitałi
Apoàpside	4 537 039 826 km
Periàpside	4 459 753 056 km (arg (ω): 44,96476227)
semiase major a	4 503 443 661 km e 30,06992276 AU
Esentrisità E	0,009456
Perìodo orbitałe P	164,8 a e 60 193,2 d
Perìodo sinòdego	367,49 d
Anomalia mezana M	256,228 °
Inclinasion i	1,77004347 ° ↔ eclìtega 6,43 ° ↔ ecuator del Sołe 0,72 ° ↔ pian invariàbiłe
Lonzitùdene nodo asendente Ω	131,78422574 °
Caratarìsteghe fízeghe e astronòmeghe
Distansa da la Tera	4 300 000 000 km (perizeo) 4 600 000 000 km (apozeo)
rajo	mèdia: 24 622 km Equatore: 24 764 km połare: 24 341 km
Diàmetro	49 528 km
Piatamento	0,0171
Magnitùdene aparente (V)	7,67–8
Diàmetro angołare	2,4 "
Àrea de superfise	7 618 300 000 km²
Masa	102 430 Yg
Vołume	62 540 000 000 000 km³
Densità mezana	1 638 g/cm³
Gravità superfisałe ecuatoriałe	11 m/s²
tenperatura de superfise	mèdia 72 K
Parte de	sistema sołare esterior
Formà da	Magnetosfera di Nettuno (it)

Descuerto inte ła sera del 23 de setenbre del 1846 da Johann Gottfried Galle col tełescòpio de l'Oservatòrio astronòmego de Berlin, e Heinrich Louis d'Arrest, un scołaro de astronomia che el asistiva, Netun el ze sta el primo pianeta a devegner catà co ła dòpara de càlcołi matemàteghi pì che traerso regołari oservasion: canbiamenti insòłiti inte l'òrbita de Uran i ghea induzesto i astronomi a crédare che ghe fuse, a l'esterno, un pianeta sconosesto che el ghene turbava l'òrbita. El pianeta el ze sta descuerto entro pena un grado dal ponto prevedesto. La luna Triton ła ze sta individuada poco dopo, ma nisun de chełi altri trèdaze satèłiti naturałi de Netun el ze sta descuerto prima del XX secoło. El pianeta el ze sta vizità da solché na sonda spasiałe, ła Voyager 2 che ła ghea tranzità arente de sto cuà inte el 25 de agosto del 1989.

Netun el ga na conpozision simiłare a cueła de Uran e anbedó i ga conpozision defarenti da cuełe dei pì grandi pianeti gasozi Zove e Saturno. Par sta motivasion i vien talvolta clasifegai inte na categoria separada, i denomenai "ziganti jasai". L'atmosfera de Netun, siben simiłare a cuełe sia de Zove che de Saturno esindo formada prinsipalmente da idròzeno e èlio, el detien anca majori proporsion de "jasi", cofà àcua, amonìaca e metan, co trace de idrocarburi e forse azoto. In contrasto, l'interno del pianeta el ze conponesto esensialmente da jasi e roce cofà el so mezo-zemeło Uran. Le trace de metan che łe ghe ze inte i strati pì esterni de l'atmosfera i contribuise a conferirghe al pianeta Netun el so caraterìstego cołore cełesto forte.

Netun el detien i venti pì forti de ogni altro pianeta inte el Sistema Sołare. Łe ze stae mezurae refołade de vento de vełozità par sora dei 2100 km/h

. A l'època del sorvoło da parte de ła Voyager 2, inte el 1989, l'emisfero sud del pianeta el detegneva na Granda Màcia Scura conparàbiłe co ła Granda Màcia Rosa de Zove; ła tenperatura de łe nubi pì alte de Netun ła zera de sirca −218 °C

, una de łe pì frede del Sistema sołare, par colpa de ła granda distansa dal Sołe. La tenperatura inte el sentro del pianeta ła ze de sirca 7000 °C, conparàbiłe co ła tenperatura superfisałe del Sołe e simiłare a cueła del nùcleo de tanti altri pianeti conosesti. El pianeta el detien in pì un déboło sistema de anełi, descuerto inte i ani sesanta ma confermà solché da ła Voyager 2.