El Kénia, ufisialmente Republika del Kénia (Jamuhuri ya Kenya in suahìli e Republic of Kenya in inglexe) l'è na nasion afrikana a kaval dell'ekuator.
El nome Kenia vien dal ''kikuiu''. Ko ke i esploratori eoropei ge domandava el nome de la montagna kon la nee, i Kikuiu i ga risposto Kerinyaga, "la montagna de lo struzo".
Par savèrghene de pì, vardarse ła voxe Zeografia del Kenya. |
El paese el presenta na grande varietà de tereni e klimi.
Al centro ge i grandi altipiani ke i kulmina kol Monte Kénia (5199 m), el secondo monte de l’Afrika.
A ocidente del Monte Kénia ge la Vale de el Rift, la piasè longa spakatura de la krosta terestre, ke la traversa el Kénia da sud a nord.
La kosta la xe sabiosa o koralina.
El Kénia el ga poki fiumi (Tana, e Galana i xe i piasè longi).
Se kata un toketo del Lago Vitoria e i laghi del Rift. 'Sti kua i xe laghi de àkua salà (Nakuru, Bogoria, Elementeita, Magadi, Turkana).
El nord del paese l’è deserto.
Par savèrghene de pì, vardarse ła voxe Storia del Kenya. |
La popołasion kéniana la vien da tante parti.
I popoli bantu i xe rivai dal Sudan, i hamitici da Etiopia e Somalia.
I arabi, ke i vegnea dal Iemen e el Oman, ga fondà dele cità importanti su la kosta. Lamu, doe el suahìli l’è nato; Gede, Mtvapa, Mombasa. I arabi fasea komercio de roba ke vegnea da l’Asia e komprava i mori da menar in Arabia kome sciavi. Da Mombasa, i arabi rivava fin al regno de i Baganda.
I portogezi xe rivà inte el XVI sekolo e i ga okupà Malindi e Mombasa, ma i no se ga moso da la kosta.
Le esplorazioni del sekolo XIX fasea konosar la rejone a i eoropei. Tuti i esploratori ga seguesto le karovane de i skiavisti arabi.
Dopo i esploratori, i inglesi xe arivà da l’India. Lori i volea andar in Uganda e i no volea saverne de star in Kénia. Parò un grupo de koloni sa tolto le tere bone de i altipiani centrali e alora la kolonia del Kénia la fu acetada da la korona inglese.
Inte el dopo guera (1948 – 1963), i kikuiu volea konkuistar l’indipendenza. I mau mau i kombatea kontro i kolonialisti e l’indipendenza rivò el 12 dicembre 1963.
Jomo Keniata fu el primo presidente del Kénia, dal 1963 al 1978.
Dopo de lu, ge stà el presidente Deniel arap Moi, dal 1978 al 2002.
Ora ghe kofà presidente Emilio Mvai Kibaki.
El Kénia el xe divixo in 47 kontadi (counties).
El Kénia el jera divixo in 1 rejon indipendente:
e in 7 province:
La kapital la xe Nairobi. La ga 4 milioni de abitanti, piasè de la metà i vive ne le barakopoli. Kibera, ko otocentomila abitanti, l'è la barakopoli piasè grande de l'Africa.
Le altre cità importanti ie Mombasa, Nakuru, Eldoret e Kisumu.
Dopo l’indipendenza, el Kénia el kresea ekonòmegamente. L’agrikoltura e l’industria jera de le piasè forti de l’Afrika. Soto el presidente Moi, el paese se katò in una recesion ekonòmega. Ankò, el paese el stà krescendo (5,5% in inte el 2006). El problema piasè grande el xe la distribuzion de la rikeza. El 2% de la popołasion el xe riko, la majoria la xe puareta – kon manko de un euro al di – ma la klase mèdia la krese.
La repùblega del Kénia la ga trentado milioni de abitanti.
I popoli majori i xe i kikuiu, i kanba, i luia, e i luo.
Tra i popoli pecenini, i piasè konosudi i xe i masai, i pokot e i turkana.
I altopiani centrali i e’ abita’ da popołasioni bantu (kikuiu, embu, meru e kanba). La Rift Valley l’è abità da popoli pastori (masai, turkana, pokot, kalenjin). Rente al Lago Vitoria ghe i luo e i luia, anka lori vegnù zo dal Sudan. Inte el nord ge xe popoli hamitici, originari de Etiopia e Somalia. Su la kosta se kata altri bantu (taita), e i popoli swahili.
Ankò el 30% de la popołasion la seve sete de ispirazion kristiana.
El 25% i xe kristiani katoleghi. La Ceza katolica la xe presente kon Ceze e opere sociali (skole, ospedai, centri de salute, progeti de svilupo). Ge tanti veneti tra i misionari.
Sirca el 24% i segue le relijoni tradizionali.
El 15% i xe kristiani protestanti.
Ancò ghe el 6% de musulmani. El Islam xe la relijon organizada pi’ vecia presente in Kénia.
La minoria indiana la xe de religion hindu.
Controło de autorità | VIAF (EN) 128920262 · ISNI (EN) 0000 0001 2353 0985 · LCCN (EN) n80061011 · GND (DE) 4030236-2 · BNF (FR) cb11882655r (data) · BNE (ES) XX451593 (data) · NLA (EN) 35267152 · NDL (EN, JA) 00565510 · WorldCat Identities (EN) n80-061011 |
---|
This article uses material from the Wikipedia Vèneto article Kénia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.