Invaxion Rusa De Ła Ucràina Del 2022: Invaxion rusa de ła Ucràina del 2022 tacà el 24 febraro 2022

Ła guera ła ga provocà ła pi granda crisi de rifujiai in Europa dopo ła fine de ła seconda guera mondiałe.

El 22 febraro del 2022 el presidente ruso Vladimir Putin el ga domandà i pieni poderi par operasioni miłitari foreste e ła so richiesta la xe sta pienamente acolta sia da ła Duma che da ł’Asenblea Federałe. Putin coxì el ga otegnuo el controło pien de łe forse armae ruse, senza limiti de tenpo, luogo e per cualsiasi tipo de operasion miłitare. Calche ora dopo, durante ła conferensa stanpa del presidente statunitense Joe Biden, le xe stae anunciae łe prime sansion contro ła Rùsia, fra cui ła sospension de ła certificasion del Gasdoto Nord Stream 2, xe sta anca confermà l’anulamento de l’incontro programà intra el Segretario de Stato Statunitense Blinken e el ministro dei esteri ruso Lavrov el 24 febraro a Ginevra, afermando che «l’invasion la xe xa inisiada, l’incontro no el ga pi senso». El Segretario Generale de ła NATO Jens Stoltenberg a łe ore 23:45 (UTC+1) el ga dito che ła NATO ła ga 100 aerei in masima ałerta e vari grupi navałi in tuta Europa.

N'te ła prima matinada del 24 febbraio 2022 Putin el ga anuncià un'operasion miłitare n'tel Donbas, dando inisio a un'invaxion de ła Ucràina.

• Ucràina
• Guera freda