Gary Coleman: Ator statunitense

El ze stà conosùo par el roło de Arnold Jackson inte'l tełefilm Il mio amico Arnold (Diff'rent Strokes), trazmeso inte i Stati Unìi da'l 1978 a'l 1986.

Gary Coleman: Biografia, Cołaborasion muzegałe, Cariera połìtega
Coleman in un'imàxene del 22 de apriłe, 2007

Biografia

Cariera sinematografega

Coleman, nato co na małatìa conzenita ai reni, el ga senpre tribołà de nefrite. Drioman el só zviłupo de crésita se ga interòto in zòvane età. Inte'l 1978, durante l'epizodio de ła sit-com I Jefferson "Uncle George and Aunt Louise", indove el ga interpretà el parsonazo de Raymond Jefferson, Só nevòdo de George e Louise. L'è deventà famozo par el roło de Arnold Jackson inte'l tełefilm Il mio amico Arnold. Sucesivamente inte'l 1979 e 1982 el ga fato dei camei inte ła serie L'albero delle mele (spin-off di Arnold) inte'l roło de Arnold Jackson. Grasie a'l suceso otenjùo par el fato de eser conosùo da tuti da ła serie inte'l 1982 el ze el protagonista de'l desenjo anemà The Gary Coleman Show (che'l se ga bazà so'l film L'angioletto senza ali), interpretà da'l steso Coleman. Senpre inte'l 1979 l'è stà protagonista de'l film TV "La Mascotte" (The Kid from Left Field), un film anbientà inte'l mondo de'l baseball, remake de l'omònemo film de'l 1953.

Inte'l 1996 el ze conparìo inte l'ùltemo epizodio de ła sit-com Willy il principe di Bel-Air, in conpanjìa de Conrad Bain, senpre inte'l roło de Arnold e pare de potensiałi conpradori de ła carbona de só barba de Willy. In 'sta ocazion el ga respolvarà el vecio tormentón "Che cavolo stai dicendo Willis" modifegandoło in "Che cavolo stai dicendo Willy" revolto a Will Smith, cuesta ła ze stada l'ùltema aparision de'l parsonazo de Arnold. Zbandonada l'atività de ator, el ga łaorà cofà vàrdia privada inte'l Utah, dove el se ga trasferìo inte'l 2005, conparindo onji tanto in algune produsion minori o par calche cameo.

Declìn

Inte'l 2002 a l'interno de uno dei łevełi de zogo de'l viołento sparatutto Postal 2 el ze ad un picoło convenjo so un sentro comersiałe, a prezentar e a promóver un łibro scrito da łu. Senpre inte'l 2002 el ga partesipà a ła trazmision Matricole & Meteore prezentada da Enrico Papi e Sabrina Salerno ła jera inviata spesiałe, e ła ze andada inte i Stati Unìi d'America par intervistarlo. Inte'l 2006 el ze stà protagonista de'l film La vera storia di Arnold . El ga fato de łe aparision durante ła sit-com 'mericana Tutto in famiglia. El gà partesipà a do epizodi de ła serie mericana Buck Rogers. Inte'l 2006 el ga partesipà anca a'l programa par tozi Nickelodeon, Drake e Josh.

Cołaborasion muzegałe

Indriìoman el ga fato parte de alguni video muzegałi. Eco cua ła cronołozìa:

  • Inte'l 1999 el ze conparìo inte'l video musical Cowboy de Kid Rock interpretando un pistołero.
  • Inte'l 200 el ga partesipà a'l video muzegałe dei Slun Village "Climax" inte'l roło de un comeso.
  • Inte'l 2005 el ga partesipà a'l video muzegałe de'l wrestler John Cena Bad Bad Man.

Cariera połìtega

Inte'l 2003 el se ga avisinà anca a ła połìtega, anunsiando el só vołer candidarse a deventar governador de ła Całifornia; dopo che Arnold Schwarzenegger el ze entrà in połìtega, el gavea declarà che'l se vołea retirar puzando l'ex ator, ma sendo a titoło ofisiałe rezistrà inte ła łista dei candidati no'l gà pì podesto far depenar el só nome da ła scheda ełetorałe. Durando łe consultasion Gary el ga otenjùo 14 282 prefarense (0,16%) e el ze rivà otavo so 135. Inte l'agosto de'l 2007 Coleman el ga spozà Shannon Price, che'l gaveva conosùo durando łe repreze de'l film Church Ball; ła notisia de'l matrimionio ła ze stà diramà diversi mezi drioman, inte'l febraro 2008. Dapò soło oto mezi che'l jera pasà da'l matrimonio l'avea desizo de ndar co ła zòvane mujer in direta so na trazmision tełeviziva de'l programa 'merican Divorce Court ma, a difarensa dei altri concorenti, co l'intension de vołer salvàr el só matrimonio.

Guai zudisiari

El ze stà incamusà do volte: inte'l 2008 parchè el ga investìo na persona in un parchegio, e inte'l 2009 par prezunte viołense domèsteghe. Sucesivamente, durante ła pontada de na trazmision tełeviziva "The insider", co'l fin de reabiłitarlo davanti a'l pùblego, el ga dà in scandesénsa co i zornałisti e i prezentadori zbandonando ezabruto ła sena co ła maravegia de tuti.

Ła morte

Dovùo a ła gran malformasion dei só reni che'l gà avùo fìn da picenin, el ga dovesto subir do traspianti ai reni in zòvane età, ma el gaveva da sotopónerse zornalménte a diałzi. Dopo eser stà sotoponesto ad altre do operasion serùzeghe inte i primi mezi de'l 2010, segondo cuanto recostruìo se gavarìa verifegà un insidente zontà do noti 'vanti de desconparir, inte l'abitasion de l'ator a Santaquin, visin a Salt Lake City, dove l'ator cascando el ga batùo ła njoca.

Daspò el trasporto urzente a l'ospeàl, łe só condision el dì drìo łe gera pezoràe, co'l gà perso conosensa ndando in coma. Da cuel momento el ze stà tenjùo in vita in modo artifisałe par n'altro dì, finchè só mugèr ła ga rechiedesto che cuełe machine che ło tenjiva vivo łe fuse destacàe.

Altre aparision

  • El ze aparìo inte l'epizodio de I Simpson "A Natale ogni spassolo vale".
  • El ze aparìo inte l'epizodio de I Griffin "Brian torna al college".
  • Inte'l 1986 el ze stà ospite de ła trazmision Superflash prezentada da Mike Bongiorno so Canale 5. In cueła ocazion A ghe ze stà regała un modełin de na łocomotiva, sendo łu un gran cołesionista de trenini.
  • Inte'l 2008 el ze stà ospite inte'l programa de Rai Uno I migliori anni prezentà da Carlo Conti.
  • Caparezza el sita ła só zmara in "Goodbye Malinconia" (Il sogno eretico, 2011)
  • Fabri Fibra el ghe dedica na canson in "Il Mio Amico Arnold" (Casus Belli (EP), 2012)

Gary Coleman in Avenue Q

El musical famozo inte i USA e in Gran Bretanja da'l titoło "Avenue Q" el ło vede raprezentà cofà un fituàl de na spesie de condominio abità da òmeni o da marionète.

Inte'l musical Avenue Q uno dei parsonaji el ze pròpio Gary Coleman, che dezmentegà da ła TV e cascà in desgrasia el se ga reduzesto a far el portiner de'l condominio indove vive i parsonazi.

Note

Altri progeti

Cołegamenti esterni

Scheda su Gary Coleman de l'Internet Movie Database

Controło de autoritàVIAF (EN69135367 · ISNI (EN0000 0000 7825 0027 ·  · LCCN (ENn2010018424 · BNF (FRcb140665808 (data) · BNE (ESXX1579896 (data) · WorldCat Identities (ENn2010-018424

Tags:

Gary Coleman BiografiaGary Coleman Cołaborasion muzegałeGary Coleman Cariera połìtegaGary Coleman Guai zudisiariGary Coleman Ła morteGary Coleman Altre aparisionGary Coleman in Avenue QGary Coleman NoteGary Coleman Altri progetiGary Coleman Cołegamenti esterniGary Coleman

🔥 Trending searches on Wiki Vèneto:

Carga ełètrica1° de lujoFotografiaSan Zorzi1908Football Club Internazionale MilanoISO 3166-1GramadegaWiki CommonsJaponDescargamento (informadega)MèsegoInternet ArchiveCometaWashington D.C.Repùblega de VenèsiaLory Del SantoDanilovgradWMar MediteraneoGermaniaMercalloGoogle ChromeIsaac NewtonOmar Sharif2010ZugoAvril1941Palermo Football ClubTełecomunicasionSeso orałeSteve Jobs10 de marsoPaezi BasiFungiVoltaireThe New York Times184631 de disenbreDiałeto vèneto setentrionalHTMLAnburgoCarles PuigdemontEpsachHellas Verona Football ClubAustràliaFizega1412Łéngua ingleze113 v.C.MondragonXXI secołoSalles-d'ArmagnacAnatomiaTubingaStati Unii de l'AmèricaFixiVietnamEtà de mezo21 de apriłePlàstega🡆 More