Chevrolet

L'azienda ła vien fondà inte'l Michigan inte'l 1911 da Louis Chevrolet, piłota svisaro, e da William C. Durant, fondador de ła General Motors da ła cuała el jera stà estrometesto a cauza dei debiti. Chevrolet ga produzesto suito un modeło in direta conpetision co ła Ford Modello T che zera stà ciamà Classic Six. Inte'l 1917 William C. Durant ze tornà a ciapar el controło de ła General Motors, e staltra el ga incorporà ła Chevrolet.

Ła "Chevy" ła ga avùo na granda influensa inte'l marcà automboiłìstego merican, soratuto inte i ani sincuanta e sesanta. Inte'l 1963 na auto so dieze vendeste inte i Stati Unìi łe jera na Chevrolet.

Ła Chevrolet Europe ła ze na socetà co sede a Zurigo che prinçipalmente ła comersałiza automobiłi co ła marca Chevrolet produzeste da ła GM Daewoo. Fin al 2005, ła Chevrolet Europe ga vendùo soło alcuni modełi, par ła mazor parte derivai da cuełi del marcà interno merican e modifegai in baze a łe normative eoropee. Tra cueste ghe jera ła Alero (che ła jera na Oldsmobile Alero remarchiada) e ła Chevrolet Trans Sport (che ła jera na Chevrolet Venture co'l frontałe de ła Pontiac Trans Sport). Tra i altri modełi vendesti da ła Chevrolet Europe ghe ze stai ła Camaro, ła Corsica/Beretta, ła Corvette, el Blazer e'l sucesivo Trail Blazer. Inte ła produsion statunitense ze stà disponibiłe anca ła Chevrolet Impala V-8 berlina.

Ła marca Chevrolet ła vien utiłizà par desferenti modełi inte'l mondo: inte i USA par i modełi mericani sia de autoveture sia de camion, in Eoropa par i presedenti modełi de ła Daewoo e in alcuni paezi de l'America łatina par i modełi de ła Opel e de ła Suzuki (che fazeva senpre parte del grupo General Motors). I stesi modełi Chevrolet ex Daewoo vien drìoman vendùi in Oceania co ła marca Holden, anca staltro de GM.

A inisio disenbre 2013 ła caza mare ła ga anuncià el ritiro de ła marca dal marcà eoropeo entro el 2016 par razon de rasionałizasion dei costi e de sorapozision comersałe co łe altre marche Opel e Vauxhall co ła soła ecesion de ła Rusia (via drìoman che inte'l 2016 vendarli al grupo PSA).

Chevrolet regata inte'l WTCC co i modełi Lacetti e Cruze; i modełi de łe Impala e de łe Monte Carlo ze stae utiłizae da ła NASCAR come baze par łe Chevrolet che core respetivamente inte łe Monster Energy Cup Series e inte łe Xfinity Series;(atualmente ze in uzo łe Camaro). Dal 2012 ze prezente anca inte'l canpionato Indycar come fornidor dei motori. El propulsor utiłłizà da ła caza mericana par el canpionato ze el Chevrolet V6 2.200 twin-turbo, zviłupà in cołaborasion co Ilmor Ingegnering.

 

 

• Alero
• Astro
• Avalanche
• Bel Air
• Beretta
• Camaro
• Caprice
• Captiva
• Cavalier
• Celebrity
• Chevelle
• "Chevy" Van
• Citation
• Code 130 R (prototipo)
• Corvette
• Corvette Z06
• Corvette CERV
• Corsica
• Dizie Cab

   

• El Camino
• Fleetline
• Uplander
• K5 Blazer (Blazer e Trailblazer)
• K10 K20 K30 (4WD)
• Impala
• Lumina
• Niva
• Monte Carlo
• Malibu
• M1008 e M1009 (CUCV)
• Panel
• S-10 (pick-up derivà dal Blazer)
• Suburban
• SSR
• Silverado
• Trans Sport
• Tru 140S (prototipo)
• Tahoe
• Volt

Modełi coreani marchiai Chevrolet

Ła marca Chevrolet ze stà uzà da ła General Motors fin al 2016 anca par identifegar i veicołi coreani ex Daewoo comersałizai so'l marcà eoropeo:

 

• Matiz / Spark
• Kalos / Aveo / Sonic
• Nubira
• Lacetti
• Cruze
• Evanda
• Epica