Muloi nga Tshivenda ndi muthu ane a enda a tshi lowa vhanwe vhathu vhusiku vho lala vha sa zwi pfi.
Huna vhuloi ha u tou bebelwa ha vha na vhuloi ha u rengwa. Hau bebelwa ndi vhula hune hapfi o vhu wana kha vhabebi vhawe kanzhisa hu tou pfi o vhu wana kha mme awe. Vhaloi vhanzhi hupfi ndi vhasadzi. Munna a ne a lowa hupfi ndi tshivhimbili.
Muvhuso wa zwino a u tsha tenda zwa vhuloi. Ane a pomoka munwe uri ndi muloi u a fariwa a sengisiwa. Kale vhaloi vho vha vha tshi pandelwa shangoni kana vha tshi vhulaiwa. Huno nga Mbilwi ha-Mphaphuli tshinwe tshifhinga vho vha vha tshi vhulaha muloi nga u mu vhofha milenzhe na zwanda vha mu posa tivhani la Mavhuvhi.Tivha ili li kha mulambo wa Mutshindudi.
Arali nwana a tshi do vha muloi hupfi u vhonalisa hani? Musi mutani wa u loiwa hu tshi vha na nwana, nwana uyu u a lingwa arali a tshido vha muloi. Nwana u lingwa nga u poswa kha luvhondo lwa tshitanga kana a poswa ntha ha thanga. Arali nwana uyo a nambatela zwi amba uri u do lowa, huno a wa zwi vha zwi tshi amba uri nwana onoyo zwa Vhuloi a nga si zwi kone. Vhuloi uhu ndi ha mbebo.
This article uses material from the Wikipedia Tshivenda article Vhuloi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tshivenda (DUHOCTRUNGQUOC.VN) is an independent company and has no affiliation with Wiki Foundation.