کوریزون اکینو
فلپائن کی سابق صدر .
ایشیا کی پہلی خاتون صدر۔ 25 جنوری 1933 کو پیدا ہوئیں۔ اکینو اپنے خاوند معروف سینیٹر بینینو اکینو کے قتل کے بعد سیاست میں آئی جو اس وقت صدارت کے لیے انتخابات میں حصہ لینے کی تیاری کر رہے تھے۔ سینیٹر اکینو اس وقت تک صدر مارکوس کی جانب سے مارشل لاء لگائے جانے کے بعد سات سال جیل میں گزار چکے تھے۔ قید میں باہر کی دنیا سے ان کا واحد رابطہ ان کی اہلیہ اکینو ہی تھیں۔ بیگم اکینو انیس سو چھیاسی میں ’عوامی طاقت‘ کے بل بوتے پر سابق آمر فرڈیننڈ مارکوس کی آمریت کو ختم کرنے میں کامیاب ہوئیں۔ انیس سو چھیاسی میں انتخابات جیتنے کے بعد انتہائی مشکل حالات میں ملک کا نظام سنبھالا۔ چھ سالہ دور حکومت کے دوران بغاوتوں کا اور عوامی سطح پر مایوسی کا ان کوسامنا کرنا پڑا۔ تاہم انھوں نے ملک کو جمہوریت کی راہ پر ڈال دیا۔ یکم اگست 2009 کو کینسر کے مرض کی وجہ سے ان کا انتقال ہوا۔
This article uses material from the Wikipedia اردو article کوریزون اکینو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.