ج خ ج 7 - قېتىملىق مەملىكەتلىك نوپۇس تەكشۈرۈشى
UYGHURCHE, УЙҒУРЧӘ
جۇڭخۇا خەلق جۇمھۇرىيىتى يەتتىنچى قېتىملىق مەملىكەتلىك ئومۇميۈزلۈك نوپۇس تەكشۈرۈش (خەنچە:中华人民共和国第七次全国人口普查، كرىل ئۇيغۇر: Хитай Хәлқ Җумһурийити Йәттинчи Қетимлиқ Мәмликәтлик Омумйүзлүк Нoпус Тәкшүрүш) قىسقىچە يەتتىنچى قېتىملىق نوپۇس تەكشۈرۈش. جۇڭگو خەلق جۇمھۇرىيىتى ھۆكۈمىتى 2020 - يىلى ئېلىپ بارغان مەملىكەتلىك ئومۇمىيۈزلۈك نوپۇس ئېنىقلاش ۋە تىزىملاش خىزمىتى بولۇپ، 2010 - يىلى 6 - ئاينىڭ 1 - كۈنى يولغا قويۇلغان «مەملىكەتلىك نوپۇسنى تىزىملاش نىزامى» غا ئاساسەن، ھەر 10 يىلدا بىر قېتىم جۇڭگو خەلق جۇمھۇرىيىتى مىقياسىدا نوپۇس تەكشۈرۈش ئېلىپ بېرىلىدۇ. 2021 - يىلى 5 - ئاينىڭ 11 - كۈنى ئېلان قىلىنغان «يەتتىنچى قېتىملىق مەملىكەتلىك نوپۇس تەكشۈرۈش دوكلاتى» غا ئاساسلانغاندا، دۆلەتنىڭ ئومۇمىي نوپۇسى 1 مىليارد 443 مىليون 500 مىڭدۇر.
بۇ قېتىملىق نوپۇس تەكشۈرۈش دەل 2020 - يىلى 11 - ئاينىڭ 1 - كۈنى سائەت 00:00 دە باشلىغان؛ نوپۇس تەكشۈرۈش ئوبيېكتى جۇڭخۇا خەلق جۇمھۇرىيىتى تەۋەسىدىكى تەبىئىي شەخسلەر ۋە جۇڭخۇا خەلق جۇمھۇرىيىتى سىرتىدا، ئەمما مۇقىم ئولتۇراقلاشمىغان جۇڭگو پۇقرالىرى بولۇپ، بۇ جەرياندا جۇڭخۇا خەلق جۇمھۇرىيىتى سىرتىدا، چەتئەللەردە ۋاقىتلىق ئولتۇراقلاشقان تۇرغان چەتئەللىكلەر بۇنىڭ سىرتىدا. نوپۇس تەكشۈرۈش مەزمۇنى نوپۇس ۋە ئائىلىلەرنىڭ: ئىسمى، كىملىك نومۇرى، جىنسى، يېشى، مىللىتى، مەدەنىيەت سەۋىيىسى، كەسپى، ئوقىتى، ئاققۇن نوپۇس، نىكاھ ۋە تۇغۇت، ئۆلۈم، تۇرالغۇ قاتارلىق ئاساسلىق ئۇچۇرلىرى تەكشۈرۈلىدۇ.
تەكشۈرۈش نەتىجىسىدىن ئايان بولۇشىچە، جۇڭگو نوپۇسنىڭ قېرىلىشىش مەسىلىسى تېخىمۇ ئېغىرلاشقان. بۇ مەسىلىنى ھەل قىلىش ئۈچۈن، ج ك پ مەركىزىي كومىتېتى سىياسىي بيروسى 2021 - يىلى 5 - ئاينىڭ 31 - كۈنى يىغىن چاقىرىپ، پىلانلىق تۇغۇت چەكلىمىسىنىڭ ئەمەلدىن قالدۇرۇلۇپ، ئۈچ بالىلىق سىياسەتنىڭ يولغا قويۇلۇشى ماقۇللىغان ۋە قانۇندا بەلگىلەنگەن پىنسىيە يېشىنى كېچىكتۈرۈشنى قارار قىلغان.
مەنبە
This article uses material from the Wikipedia ئۇيغۇر تىلى article ج خ ج 7 - قېتىملىق مەملىكەتلىك نوپۇس تەكشۈرۈشى, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). خاتىرىلەنگەندىن باشقا تېكست مەزمۇنى CC BY-SA 4.0 ماددىسىغا ئاساسەن تەمىنلىنىدۇ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ئۇيغۇر تىلى (DUHOCTRUNGQUOC.VN) is an independent company and has no affiliation with Wiki Foundation.