سۆكسۆك

قۇرغاق، چۆللۈك رايونلارنىڭ قۇمنى تۇراقلاشتۇرۇپ ئورمان بىنا قىلىشتىكى ئېسىل دەرەخ تۈرى

سۆكسۆك - لويلا ئائىلىسىگە تەۋە، قۇملۇقتا قۇمنى تۇراقلاشتۇرىدىغان بىر خىل ئۆسۈملۈك، غولىنىڭ دىئامېتىرى 50 سانتىمېتر كېلىدۇ. قوۋزىغىنىڭ رەڭگى ئاقۇش كۈل رەڭ، ياغىچى چىڭ، چۈرۈك، كونا شاخلىرى قوڭۇر كۈلرەڭ ياكى سۇس سارغۇچ قوڭۇر رەڭدە، ئادەتتە ھالقىسىمان شەكىلدە تارالغان يېرىقچىلار بولىدۇ. شاخلىرى ئىنچىكە، يانتۇ ياكى ئەگرى ئۆسىدۇ. يوپۇرمىقى تەڭگىچە شەكىللىك، كەڭ ئۈچ بۇرجەك، ئالدى ئۇچى سەل دىقماق. بوغۇم ئارىلىقى 4-12 مىللىمېتىرغىچە كېلىدۇ.

شاخ قولتۇق ئارىسىدا پاختا - يۇڭ بار بولۇپ، چارۋىلارنىڭ يېمى قىلىشقا بولىدۇ. قىممەتلىك جۇڭيى دورىسى بولغان توشقانزەدىكى دەل سۆكسۆك يىلتىزىدا پارازىت ھالىتىدە ياشايدۇ. توشقانزەدىكى، بۆرەكنى قۇۋۋەتلەش، ياشانغانلارنىڭ گومۇشلۇق كېسىلىنى داۋالاش، جىگەرنى كۈچەيتىش، تارەتنى راۋانلاشتۇرۇش قاتارلىق 10 نەچچە خىل دورىلىق خۇسىسىيىتىگە ئىگە، كىشىلەر تەرىپىدىن « قۇملۇق ئادەمگىياھسى » دەپ تەرىپلەنگەن. بىراق سۆكسۆك ھازىر نەسلى قۇرۇش گىرداۋىغا يىتىپ قالغان ئۆسۈملۈك بولۇپ ھىسابلىنىدۇ.

سۆكسۆك قۇرغاقچىلىققا تاقابىل تۇرۇشتا چوڭ رول ئوينايدىغان ئۆسۈملۈك بولۇپ، ئىسسىققا ۋە سوغۇققا ئوخشاشلا چىداملىق، يورۇقلىقنى ياقتۇرىدۇ، سايە جايغا چىدامسىز كېلىدۇ، ماسلىشىشچانلىقى كۈچلۈك، تېزلىكتە ئۈسۈپ يىتىلىدۇ، شاخلىرى زىچ، يىلتىز سېستىمىسى تەرەققىي قىلغان، بوراندىن مۇداپىئەلىنىپ، قۇمنى تۇراقلاشتۇرۇش ئىقتىدارى كۈچلۈك، ئېلىمىزنىڭ غەربىي شىمال ۋە ئىچكى موڭغۇلنىڭ قۇرغاق، چۆللۈك رايونىغا قۇمنى تۇراقلاشتۇرۇپ ئورمان بىنا قىلىشتىكى ئېسىل دەرەخ تۈرى ھېسابلىنىدۇ .

•  
  سۆكسۆك
•  
  جاڭگالدىكى سۆكسۆك
•  
  سۆكسۆكنىڭ سىدام سىزمىسى
•  
  ئۇيغۇر دىيارىدىكى سۆكسۆك
•  
  سۆكسۆكلەر
•  
  قاقشال بولۇپ كەتكەن سۆكسۆك
•  
  سۆكسۆك دەرىخى