6 Тулыспал

Выль арозь 328 нунал кыле (329 нунал високосной аръёсын).

Али дыре юлиан календарьлэн 24-тӥ Толшорезлы огкадь луэ.

• Барменлэн калыккуспо нуналыз

• 1191 — Климент III аслаз буллаеныз Тевтон орденэз юнматӥз.
• 1643 — Абель Тасман усьтӥз Фиджи архипелагез.
• 1819 — Великобританиысь чиновник Стэмфорд Раффлз инъяз Сингапур.
• 1840 — Вайтангиысь договор, Выль Зеландилэн туала историезлы инъет.
• 1867 — усьтӥськиз Сарапул утемысь земской ӧтчам.
• 1918 — Глаз карын но Глаз утемын Совето власть пуктэмын.
• 1930 — усьтӥськиз Совето Армилэн шор академической театрез.
• 1933 — Оймяконын пусъемын тужгес но ӧжытэз температура −67,7 °C.
• 1936 — Адольф Гитлер усьтӥз Тол Олимпи шудонъёсыз Гармиш-Партенкирхенын.
• 1943 — кылдытэмын Курган улос.
• 1947 — Юзеф Циранкевич луиз Поляк Калык Республикаысь премьер-министр.
• 1952 — Великобританилэн престол вылаз тубиз Елизавета II.
• 1958 — «Манчестер Юнайтед» клублэн футболистъёсыныз самолёт пазьгиськиз Мюнхенын.
• 1972 — Галина Кулакова, япон Саппороын дас километрлы куасэн бызёнын вормыса, ас нырысетӥ олимпи зарнизэ басьтӥз.
• 1986 — сэрпалтэмын Гаитилэн президентэз Жан-Клод Дювалье.
• 1987 — УАССР-ысь Красногорск ёросысь ожысь но ужысь ветеранъёслэн кенешсы кылдытэмын.
• 1994 — Финляндилы президентэз быръёнъёсын вормиз Мартти Ахтисаари.
• 1996 — Балезино ёросысь муниципал телерадиовещанилы редакция кылдытэмын.

• 1861 — Николай Зелинский, химик-органик, академик.
• 1882 — Вальтер Якобссон, Финляндиысь фигурной нискыланъёсъя спортсмен.
• 1911 — Рональд Рейган, США-лэн 40-тӥ президентсы (1981-тӥ арысен 1989-тӥ арозь), республиканец.
• 1945 — Боб Марли, крезьгурчи, реггилэн королез.
• 1946 — Вячеслав Захаров, Удмуртиысь литература тодосчи, кылбурчи, дышетӥсь.
• 1960 — Игорь Матвиенко, Россиысь продюсер но композитор.
• 1961 — Сергей «Чиж» Чиграков, Россиысь рок крезьгурчи, Чиж & Co группалэн валтӥсез.
• 1964 — Андрей Звягинцев, Россиысь кинорежиссёр, актёр, сценарист.
• 1967 — Олег Куваев, Россиысь мультипликатор, режиссёр, звукорежиссёр («Масяня», «Магазинчик БО», «6,5», «Чердачок»).
• 1973 — Андрей Князев, «Король и Шут» группалэн азьвыл кырӟасез.

• 1923 — Эдвард Эмерсон Барнард, Америкаысь астроном.
• 1996 — Александр Модзелевский, Ижысь машиностроительной заводлэн конструкторез, техника наукаосъя кандидат.