15 Куарусён

Выль арозь 107 нунал кыле.

Али дыре юлиан календарьлэн 2-тӥ Куарусёнэзлы огкадь луэ.

• Демократилэн калыккуспо нуналыз

• 533 — Шунды ӝужан пал Рим империлэн армиез Велисарийлэн кивалтэм улсаз Карфагенэ пыриз.
• 1812 — Француз армия Наполеонлэн кивалтэм улсаз Муско Кремле пыриз.
• 1821 — Испанилэн колониосыз Гватемала, Гондурас, Коста-Рика но Сальвадор асьсэлэн независимостьсы сярысь ялӥзы.
• 1835 — Чарльз Дарвин «Бигль» кораблен вуиз Галапагос шормуӵъёс вылэ.
• 1910 — Лымшор Африкаын нырысетӥ парламент быръёнъёсын вормизы тӧдьы националистъёс.
• 1916 — Сомма дурын ожын англичанъёс ожмаськыса эскеризы дуннеысь нырысетӥ Mark I танкез.
• 1917 — 1-тӥ номеро Форбс журнал потӥз.
• 1921 — РСФСР-ысь Совнарком кутӥз нылпи тазалыкез утён сярысь декретэз.
• 1935 — Нюрнберг вужкатъёсъя Германиысь еврейёс кунмуртлыксылэсь куштэмын, Германилэн кун символэз свастика луиз.
• 1946 — Болгария ялэмын калык республика шуыса.
• 1950 — Корей ож: Америкаысь десант Лымшор Кореяын Инчхон карын ярдуре потӥз.
• 1956 — ТУ-104 турбореактивной самолётъёсын калыкез нуонъёс-ваёнъёс кутскизы.
• 1959 — Никита Хрущёв совето лидеръёс пӧлысь нырысетӥез США-е ветлӥз.
• 1960
  • Ижын Н. А. Некрасов нимо Шор муниципал библиотека усьтӥськиз.
  • Камбарка карын ӝог медицинской юрттэтъя станция усьтэмын.
• 1971 — «Гринпислэн» нырысетӥ организовать карем ужрадэз (ядерной эскеронъёслы пумит Аляскаын)
• 1993 — Эстониын дышетон сярысь вужкат кутэмын.
• 1997 — Google.com домен зарегистрировать каремын.
• 2000 — Сиднейын усьтэмын XXVII-тӥ Гужем Олимпи шудонъёс.
• 2003 — Бигер Википедия ужаны ӧдъяз.

• 53 — Марк Ульпий Траян, рим император.
• 1254 — Марко Поло, Италиысь купец но путешественник.
• 1828 — Александр Бутлеров, ӟуч химик, органической химиез кылдытӥсь.
• 1890 — Агата Кристи, англи гожъяськись.
• 1894 — Михаил Худяков, Россиысь историк, археолог но этнограф.
• 1923 — Михаил Танич, Россиысь кылбурчи, кырӟанъёслэн авторзы («Чёрный кот», «Ну, что тебе сказать про Сахалин», «Погода в доме» но мукетъёсыз), Россиысь калык артист.
• 1925 — Кирилл Лавров, совето ӟуч актёр, СССР-ысь калык артист.
• 1938 — Ангелина Урасинова, удмурт шаерчи, гожъяськись.
• 1941 — Юрий Норштейн, совето суредась но мультипликатор («Ёжик в тумане»).
• 1946 — Томми Ли Джонс, американ киноактёр.
• 1947 — Владимир Бельтюков, Удмуртиысь кун ужчи, экономика наукаосъя кандидат.

• 1973 — ыбемын Виктор Хара, Чилиысь кырӟась.
• 1975 — Павел Сухой, совето авиаконструктор.
• 1978 — Вилли Мессершмитт, немец авиаконструктор.