Дуннеысь финн-угор калыкъёслэн конгрессы — урал калыкъёслэн улэм интыосысьтызы лыктэм адямиослэн ӧтчамзы.
Люкаськыны кутскиз Кенешо Союз куашкам бере гинэ. Со сяна, дуннеысь финн-угорчиослэн конгрессылэсь со висъяське тани маин: финн-угорчиослэн конгрессазы люкасько наука ужасьёс, нош дуннеысь финн-угор калыкъёслэн конгрессазы вераськон мынэ политика но культура ужпумъёс сярысь.
Конгресслэн «Декларацияз» (1992) «Дуннеысь финн-угор калыкъёслэн конгрессы финн-угор но самоди калыкъёслэн представитель органзы луэ» шуыса гожтэмын ке но, солэн зэмос статусэз — огшоры общественной форумлэн кадь ик. Конгресс луэ площадка, кытын финн-угор но самоди калыкъёс быгато шараяны асьсэлэсь шуг-секытъёссэс но ӵошен соосты сэрттыны-пертчыны тыршо. Тросэз юанъёс герӟаськемын финн-угор кылъёсыз но культураосыз утёнэн но улӟытонэн, выжы но пичи луись калыкъёслэн правоосынызы.
This article uses material from the Wikipedia Удмурт кыл article Дуннеысь финн-угор калыкъёслэн конгрессы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.