Сарапул

Сарапул — Удмуртилэн лымшор палаз интыяськем кар (2002 аре — ог 103 сюрс улӥсьёс).

Интыяськемын Кам шурлэн бур палаз. Ижысен Сарапулозь — 63 километр.

Кар
Сарапул
Сарапул
Сарапул
Флаг Герб
Флаг Герб
HGЯO
Кун Россия
Историез но географиез
Нырысьсэ тодэ уськытон 1579
Площадез 86,01 км²
Шоринтылэн ӝуждалаез 80 метр
Часовой пояс UTC+04:00[d]
Улӥсез
Улӥсез
  • 95 355 чел. (2020)
Официальной кылыз Удмурт кыл и ӟуч кыл
Лыдпусо тодметъёс
Телефон кодэз +7 34147
Почта интыпусэз 427960–427980
Шаблон:URL
Сарапул на карте
Сарапул
Сарапул
Логотип Викисклада Медиафайлы на Викискладе

1924-тӥ арысен 1991-тӥ арозь Сарапул ёрослэн центрез вал.

Историез

Сарапул ним XVI даурысен тодмо луэ. 1596 аре калыкез лыдъян книгаын гожтэмын: «Кузон утемын, Кам шур йылынгес... Сарапулысь но Сиваысь чорыг кутыло». Кызьы адӟиськомы, ӵапак кар сярысь татын вераськон уг на мыны: Сарапул шуыса Кам шурлэн оглюкетэз нимамын, шӧдске.

Сарапул нимлэсь кытысь потэмзэ ӵемысь герӟало чорыг кутонэн: чуваш кылын сарă пулă ‘ӵуж чорыг’ (Acipenser gueldenstaedtii) шуэмез возьматэ.

Сарапул 
Ӵуж чорыг

Вуоно карлы Вознесенской черкогуртэз кылдытэмен инъет сётэмын вал. 1621 аре дозорной книга «Сарапул дурын Вознесенской черкогурт» сярысь вера. Берло ини Вознесенской черкогурт Сарапул нимо дворцовой слободае пӧрмиз. 1780 аре Екатерина II косэмъя Ватка наместичество кылдытэмен Сарапуллы кар статус сётэмын вал.

1781-тӥ арын городлэн аслаз гербез кылдӥз. 1790-тӥ аръёсы Сарапулэн кивалтӥз секунд-майор А. В. Дуров — кавалерист-нылмурт Надежда Дуровалэн атаез.

1924 арозь Сарапул но Сарапул утем Ватка губерняе пыро вал. Со вакытэ татын улӥз-вылӥз 4 сюрс котыр адями. Город узыр ӧй вал. Ульчаосын сылӥзы 1 из собор, 1 приходской черк, 1 старообрядческой часовня, 48 лавка. 19 корка излэсь ӝутэмын вал, кылемез ваньмыз пулэсь.

1930 арозь Сарапул Урал улосэ пыре (Сарапул округ), 1939 арозь со Киров улосэ пыре (Сарапул ёрос), нош собере Сарапул ёрос Удмуртиен огезеямын вал.

18-тӥ дауре Сарапулын азинскыны кутске ку дасянъя промышленность. 1815-тӥ арын 5 сыӵе завод ужам. Ӧжыт улыса, усьтӥськиз майтал кисьтонъя огазеяськон. 1855-тӥ арын кирпич шукконъя 6 завод ужзэ мытӥз. XX-тӥ даурлэн кутсконаз отын промышленностья трос огазеяськонъёс усьтӥськизы. Кылсярысь, «Кожевенный завод и фабрика ручной и механической обвуи. Торговый дом Ф. Г. Пешехонова», «Барабанщиков Ник. и племянники. Торговый дом. Кожевенный завод и фабрика обуви», «Братья Кривцовы» но мукет.

Сарапуллэн шораз ик интыяськиз Вознесенский собор. 1812-тӥ арын со котыре пуктӥзы судьяослы, Дуровлы коркаос, кык этажъем юртъёс (соослэсь нырысетӥ этажзэс вуз карон интылы пӧрмытъязы).

1875-тӥ арын городын кылдӥз Благотворительной общество. Анай-атайтэк кылемъёслы, куанеръёслы соос усьтӥзы 20 сиськон инты. Та вакытэ ик ужзэс мытӥзы ясли но Ужлы сӥзем корка. Та коркан нылпиосты дышетӥзы киужлы.

Куазь

Сарапуллэн куазез
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Арбыт
Абсолютной максимум, °C 4,3 5,5 10,2 30,0 35,3 36,9 37,0 38,3 31,9 23,9 14,2 4,5 38,3
Шоро-куспо температура, °C −12,1 −11,4 −4,8 4,3 12,3 17,6 19,5 16,6 10,8 3,8 −4,8 −10,4 3,5
Абсолютной минимум, °C −47,4 −42,7 −35 −22,9 −11,3 −2,2 3,0 −0,1 −6 −20,9 −32,3 −48,3 −48,3
Зор-котлэн нормаез, мм 43 29 27 31 51 65 60 72 56 56 49 41 580
Источник: .

Улӥсьёс

Улӥсез — 101,4 сюрс адями (2010): ӟучъёс — 81,8%, бигеръёс — 8,9%, удмуртъёс — 3,8%, укаинецъёс — 0,9%, мукет выжыысь калыкъёс — 4,6%. 2017-тӥ арын лэсьтэм дунъянъя Сарапулын 98 сюрс пала адями улэ вал.

Транспорт

Сарапул 
Сарапулысь вокзал

Сарапулын вань бадӟым порт. Кам шур кузя со Сарапулэз герӟа Улысь Новгород, Пермь городъёсын.

1916-тӥ арын городэ вуиз чугун сюрес. Кузонысен Екатеринбургозь ортчыса со андан магистраль меӵак герӟаз Россилэсь центрзэ Сибирен. Сарапулын усьтӥськиз нырысетӥ пу вокзал. 1981-тӥ арын пу вокзал интые туала из кык этажъем юртэз лэсьтэмын вал. Соку ик станциез электрифицировать кариллям. Туннэ Сарапул вокзалын трос кыдёке мынӥсь поездъёс но электричкаос дугдыло.

Городын вань мерлыко транспорт но. Кар автобусъёс 18 маршрутъя калыкез нуо-ваё. Озьы ик карлэн шораз автовокзал сылэ. Со автобус маршрутъёсын герӟа Сарапулэз Ижен, Пермен, Воткаен но трос мукет городъёсын, Сарапул ёросысь черкогуртъёсын.

Асфальт сюресъёсын кар герӟаськемын Удмуртилэн шоркареныз (Р322 трассаен), Камбаркаен но Нефтекамскен. 2016-тӥ арын ужаны кутскиз Кам вамен кема витем выж. Со капчиятӥз автомобилистъёслы Камбарка ёросэ но Башкирие сюрессэс.

Валэктонъёс

Чӧлсконъёс

Tags:

Сарапул ИсториезСарапул КуазьСарапул УлӥсьёсСарапул ТранспортСарапул ВалэктонъёсСарапул ЧӧлсконъёсСарапул2002ИжКам шурУдмуртия

🔥 Trending searches on Wiki Удмурт кыл:

УкраинаМаглодМексика1908 ар2013 арКрым28 южтолэзьШунды системаАшальчи Оки1946 арКайсыИваново улосӜ1950 ар1922 арНива (Удмуртия)Кострома улосИрина БилыкСиёнпотНянькина, Лидия СтепановнаСУзбекистанӲПермьҜФинн-угор кылъёсЋУдмурт ЭлькунҴВикиданнойёсКорутюрк, ФахриНосков, Николай ИвановичТунджелиОВеликобритания1865 арЌШунды тылсиос (лагерь)ГайанаӚӴТурок кыл24 южтолэзьXXI даурЛатви ССРМакак1935 ар1909 арШаерАда (будос)Рябинина, Зинаида КирилловнаРоссияОбезьян1974 арПаразитаксус4 толшорИмбуВикитекаПариж1942 ар🡆 More