Огазеяськем Нациослэн Организацизы

United Nations) — калыккуспо организация, калыккуспо мирез но кышкыттэмлыкез юнматыны но возьыны, пӧртэм кунъёс куспын огкылысь ужанэз азинтылыны кылдытэмын.

Солэн инъетъёсыз но ужпумъёсыз пыр-поч эскериськизы Кыкетӥ дунне ож ӵоже. «Огезеяськем нациос» термин нырысьсэ уже кутэмын вал Огазеяськем Нациослэн Декларациязы, кудӥз 1 толшоре 1942-тӥ арын гожтӥськемын вал.

Организацилэн уставез юнматэмын вал оштолэзьысен инвожоозь 1945-тӥ арын ортчем Сан-Франциско конференциын.

Огазеяськем Нациослэн Организацизылэн официальной кылъёсыз — англи, француз, ӟуч, испан, китай но араб.

Огазеяськем Нациослэн Организацизылэн валтӥсь ёзэсэз луэ Генеральной Ассамблея. Ассамблеялэн очередной сессиосыз усьтӥськыло арлы быдэ куарусёнэ.

Генеральной Ассамблея пӧлы 6 Валтӥсь комитет пыре:

• Разоружения но калыккуспо кышкыттэмлыкъя комитет (Нырысетӥез)
• Экономикая но финансъя комитет (Кыкетӥез)
• Социальной, гуманитарной ужанъя но культурая комитет (Куинетӥез)
• Нимаз политической ужанъя но деколонизацияя комитет (Ньылетӥез)
• Административной ужанъя но бюджетъя комитет (Витетӥез)
• Эрикрадъёсъя комитет (Куатетӥез)

• Кышкыттэмлыкъя Кенеш
• Секретариат
• Калыккуспо Суд
• Экономической но Социальной Кенеш
• Опекая Кенеш
• Почта администраци
• Нимаз ёзэсъёс

• Официальной сайтэз (англи) (ӟуч) (китай) (араб) (фр.) (испан)