Ю́рий Дми́триевич Маслюко́в (30 сентябрь 1937-тӥ ар, Ленинабад — 1 апрель 2010-тӥ ар, Муско) — советской но российской кун ужась, ЦК КПСС-лэн Политбюроезлэн ёзчиез(1989—1990), СССР-ысь Министръёслэн Советсылэн кивалтӥсезлэн нырысетӥ кивоштӥсез(1988—1990), Россиысь Кивалтэтлэн Тӧроезлэн нырысетӥ кивоштӥсез (1998—1999).
2007-тӥ арысен Россиысь Кун Думаысь промышленностья Комитетлэн тӧроез.
Юрий Дмитриевич Маслюков | |
---|---|
Ужан удысэз: | |
Вордӥськем нуналыз: | 30-тӥ куарусёнэ 1937 |
Вордӥськем интыез: | |
Кун: | |
Кулон нуналыз: | 1-тӥ оштолэзе 2010 (72 года) |
Кулон интыез: | |
Юрий Дмитриевич Маслюков Викискладын |
Юрий Дмитриевич Маслюков вордӥськиз 30 сентябре 1937-тӥ арын Таджикистанысь Ленинабад городысь шофер семьяын. Атаез Быдӟым Атакай ожын быриз.
1957-тӥ арозь дышетскиз Ленинградысь Вылӥ артиллерийской инженерной училищеын, 1962-тӥ арын Ленинградысь механической институтэз йылпумъяз (квалификациез — «инженер-механик»).
1962-1970-тӥ аръёсы инженер, отделлэн кивалтӥсез, валтӥсь инженер луыса Ижкарысь научно-исследовательской техологической институтын ужаз.
1970-1974-тӥ аръёсы Ижысь машиностроительной заводлэн 1-тӥ номеро филиалэзлэн директорезлэн кивоштӥсез луыса тыршиз.
1974-1979-тӥ аръёсы СССР-ысь Оборонной промышленностья министерствоысь Валтӥсь технической управлениезлэн кивалтӥсез луыса ужаз.
1979-1982-тӥ аръёсы СССР-ысь Оборонной промышленностья министрлэн кивоштӥсез вал.
1982-1985-тӥ аръёсы — СССР-ысь Госпланлэн Председателезлэн кивоштӥсез.
1985-1988-ти аръёсы — СССР-ысь Министръёслэн Советсылэн Председателезлэн кивоштӥсез. Чернобыльской АЭС-ын катастрофа бервылэз утялтонын тыршиз.
1988-1990-тӥ аръёсы — СССР-ысь Министръёслэн Советсылэн Председателезлэн нырысетӥ кивоштӥсез, СССР-ысь Госпланлэн Председателез.
1991-тӥ арын — СССР-ысь Министръёслэн Советсылэн Председателезлэн кивоштӥсез,
1992-тӥ арын кылдытӥз Оборонной исследованиосъя институтэз. АО «Югтрастинвест»-лэн генеральной директорез луыса ужаз.
1995-тӥ арын Россиысь Кун Думаысь экономической политика комитетэн кивалтӥз.
1998-тӥ арын дефолт бере Е. Примаковлэн Правительствояз ужаны выжиз. 1998-1999-тӥ аръёсы — Россиысь Кивалтэтлэн Тӧрезлэн нырысетӥ кивоштӥсез.
1999-тӥ аре Удмуртилэсь депутат луыса быръёмын Россиысь Кун Думае. 2000-тӥ арын Кун Думаысь промышленностья, лэсьтӥськонъя но наукоёмкой технологиосъя комитетэн кивалтӥз.
2003-тӥ арын но 2007-тӥ арын КПРФ-лэсь списокъя Кун Думае депутат луыса бырйылэмын.
Пусъемын Ленин нимо орденэн, Октябрь Революцилэн ордененыз, Ужан Горд Знамя орденэн но мукет данъян пусъёсын.
Улонысь кошкиз 1 апреле 2010-тӥ арын. Ватэмын Троекуровской шайвылын.
This article uses material from the Wikipedia Удмурт кыл article Маслюков, Юрий Дмитриевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.