Тыва Википедия

Тыва Википедияның тестилел (тестовый) хевири 2006 чылдың май 11-де тургустунган. 2013 чылдың июльда Викимедия Фондузунуң Дылдар комитеди тыва дылдыг Википедияны тургузар деп үзелди хүлээп ап, чөпшээрээн. Ооң соонда шиитпирни Директорлар Совединге (Board of Trustees) август 11-де бадылаан болгаш Тыва Википедияның төлевилелин «инкубатордан» tyv.wikipedia.org деп адресче көжүрген.

Тыва Википедияны идепкейи-биле Али Александрович Күжүгет сайзырадып турар. Ол, РЭА СС-тиң (СО РАН) Лаврентьев аттыг гидродинамика Институтунуң аспирантызы Али Күжүгет, Тыва Википедияның төлевилелин Тыва Республиканың лицей-интернатынга 2013 чылдың ноябрь 6-да болган «Өөредилге адырында чаартылгалыг технологиялар» (Инновационные технологии в образовании) деп Республиканың I-ги эртем-практиктиг конференциязынга бараалгадып көргүскен. Тываның Чазаа Новосибирск хоорайның сургуулдарынга чаартылгалыг (инновационный) төлевилелдери, «Вконтакте» социал четкини очулдурганы база Википедияның тыва дылын тургузары дээш 500 муң акшалыг гранты-биле деткээн.

• http://lentaregion.ru/50174 Archived 2014-04-29 at the Wayback Machine
• http://www.encyclopedia.ru/news/enc/detail/49433/
• http://www.pprt17.ru/zeml-news/moscow/618-20.html
• http://www.tuva.asia/news/tuva/6788-itogi.html
• http://www.encyclopedia.ru/news/enc/detail/50752/
• http://kyzyl.sibnovosti.ru/society/236611-glava-tuvy-lichno-popolnyaet-svoyu-stranitsu-v-kontakte
• http://www.tuva.asia/news/tuva/5826-tyva-vikipediya.html
• http://www.tuva.asia/journal/issue_14/4847-kuzhuget-aa.html
• http://www.tuva.asia/news/tuva/6285-virt.html
• http://www.tuvaonline.ru/2013/05/30/vkontakte-teper-i-na-tuvinskom-yazyke.html