Obubuo
Obubuo(pronounciation of Obubuo (help·info)) yɛ bosome a ɛtɔ so du baako wɔ afe no mu.
- Wɔatwerɛ nsɛm wei ɛwɔ Asante kasa mu
Ɛyɛ bosome a ɛwɔ nnafua aduasa . Saa bosome yi wɔ nnafua aduasa te sɛ abosome Oforisuo, Ayɛwohummumɔ ne Ɛbɔ. Obubuo bosome no hyɛ Ahinime ne Ɔpɛnimma bosome no ntam. Ahinime bosome no di Obubuo bosome no anim na Ɔpɛnimma bosome no di Obubuo bosome no akyi.
Abakɔsɛm
Obubuo yɛ edin a Akanfoɔ de ma bosome a ɛtɔ so dubaako. Wɔ brɔfo mu no wɔfrɛ saa bosome yi November. Obubuo bosome no yɛ bosome a etwa to wɔ bamporɔ bere mu wɔ afe no mu. Wɔ bosome yi mu wɔ Ghana no, ɔpɛ asi wɔ Ghana atifi fam. Nanso wɔ Ghana atɔe fam no saa bosome ne bosome a etwa to wɔ osutɔ bere a ɛtɔ so mmienu wɔ afe no mu.
Nna atitirew anaa nnapɔnna wɔ bosome no mu
Nna atitirew bi ne nnapɔnna ahorow a wɔhyɛ ho fa wɔ Obubuo bosome mu wɔ ɔman Ghana mu. Ebi ne:
- Hobgetsotso afahyɛ. Ɛyɛ afahyɛ a Anlo Ewefo hyɛ ho fa de kae sɛnea wɔn nananom fi Togo atififam baa bɛtenaa baabi a seesei wɔte wɔ Ghana asase so.
- Sasaborim afahyɛ. Ɛyɛ afahyɛ a wɔn a wɔte Awuah Domase wɔ Bono Ahafo Mantam mu hyɛ ho fa de kae wɔn hene bi a ɔboaa Asantehemaa Yaa Asantewaa ma wɔne Britaniafo dii aku wɔ tete Gold Coast.
Nnwoma a menyaa mmoa firii mu.
This article uses material from the Wikipedia Twi article Obubuo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nsɛm a ɛwɔ ha yi bo nnu CC BY-SA 4.0 gye sɛ wɔkyerɛ sɛ bo no yɛ foforo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Twi (DUHOCTRUNGQUOC.VN) is an independent company and has no affiliation with Wiki Foundation.