Mariama Owusu: Ghanani a ɔyɛ ɔtemmuafoɔ
Mariama Owusu yɛ Ghana mmaranimfo .
- Wɔakyerɛw nsɛm yi wɔ Akuapem kasa mu
Mprempren ɔyɛ Asɛnnibea a Wɔde Nsɛm Kɔdan no temmufo, wɔpaw no sɛ Asɛnnibea Kunini no Temmufo wɔ November 2019 mu na wɔhwehwɛɛ mu wɔ 9 December 2019. Ɔkaa ntam wɔ 17 December 2019. Ansa na wɔrepaw no no, na wasom wɔ benkyi no so mfe aduasa awotwe (38).
Mfitiase asetra ne nhomasua
Mariama Owusu fi Beposo a ɛwɔ Ashanti Mantam mu wɔ Ghana . Ɔnyaa ne ntoaso sukuu wɔ TI Ahmadiyya Ntoaso Sukuu, Kumasi (TI Amass) firi Form One kɔsi Upper Six.
Adwuma
Ofii ase som wɔ benkyi so sɛ Ɔmantam Ɔtemmufo fi 1990 kosi 1992. Ɔbɛyɛɛ Ɔmansin Asɛnnibea temmufo wɔ 1992 mu na ɔsom wɔ saa dibea no mu kosii afe 2000 mu bere a wɔyɛɛ no Asɛnnibea Kunini temmufo no. Wɔ afe 2003 mu no, wɔpaw no sɛ Asɛnnibea Kunini temmufo a ɔhwɛ Sunyani so kosii afe 2005. Ɔkɔɔ so yɛɛ Asɛnnibea Kunini no temmufo kosii afe 2006 mu bere a ɔtraa Asɛnnibea a Ɛhwɛ Asɛm a Wɔde Kɔdan Asɛnnibea no. Na ɔyɛ Asɛnnibea a Ɛhwɛ Asɛm a Wɔde Kɔdan Asɛnnibea no temmufo kosii sɛ wɔpaw no sɛ Asɛnnibea Kunini no Temmufo wɔ November 2019. Ɔkaa ntam sɛ ɔbɛdi dwuma wɔ 17 December 2019.
Owusu ayɛ Amanaman Ntam Mmea Atemmufoɔ Fekuo no Ghana Chapter no titrani mfeɛ nnan. Wayɛ Atemmu Dwumadibea no Abrabɔ Pa Boayikuw no muni nso. Efi afe 2010 kosi afe 2014 no, na ɔyɛ Performing Assets Committee, Judicial Service no muni.
Ɔka kuw bi a emufo yɛ baason a wɔbɛtie afe 2020 abatoɔ adesrɛ a John Mahama de too gua tia The Electoral Commission of Ghana ne Nana Akufo-Addo.
Hwɛ nso
- Ghana Asɛnnibea Kunini no atemmufo din
- Ghana Asɛnnibea Kunini
Nsɛm a wɔde gyinaa so
This article uses material from the Wikipedia Twi article Mariama Owusu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nsɛm a ɛwɔ ha yi bo nnu CC BY-SA 4.0 gye sɛ wɔkyerɛ sɛ bo no yɛ foforo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Twi (DUHOCTRUNGQUOC.VN) is an independent company and has no affiliation with Wiki Foundation.