Kojo Oppong Nkrumah: Ghana amanyɔni
Kojo Oppong Nkrumah ( wɔwoo no Oforisuo da etɔ so 5, afe 1982) yɛ Ghanani amanyɔni ne mmaranimfoɔ.
- Wɔatwerɛ nsɛm wei ɛwɔ Asante kasa mu
Na ɔyɛ mmarahyɛ bedwani a ogyina hɔ ma Ofoase-Ayirebi mpesua wɔ Ghana mmarahyɛbadwam.
Hon. Kojo Oppong Nkrumah | |
|---|---|
| Member of Parliament for Ofoase-Ayirebi | |
Mprenpren | |
| Bere 7 January 2017 | |
| Minister for Information | |
Mprenpren | |
| Bere 2017 | |
| Ɔmanpanyin | Nana Akufo-Addo |
| Odikanfo | Mustapha Abdul-Hamid |
| Ne ho asɛm | |
| Awo bere | Kojo Vincent Oppong Nkrumah 5 April 1982 Koforidua, Ghana |
| Ne man | Ghanaian |
| Amanyɔkuo | New Patriotic Party |
| Nehokani | Akua Oppong Nkrumah |
| Mma | 3 |
| Sukuu a w'akɔ | Pope John Senior High School University of Cape Coast University of Ghana GIMPA |
| N'adwuma | Nsɛmtwerɛni, Amanyɔni, Mmranimfoɔ |
| Website | http://www.konkrumah.org/ |
Ne mmɔfrase ho nsɛm
Wɔ woo Kojo Oppong Nkrumah, Oforisuo da etɔ so 5, afe 1982 wɔ Koforidua a ɛwɔ apuei fam wɔ Ghana. N'awofo ne Kwame Oppong Nkrumah ne Felicia Oppong Nkrumah. Na ne maame yɛ ɔkyerɛkyerɛni. Na ne papa nso kyerɛ ade nanso, akyirI ogyae ade kyerɛ kɔyɛɛ adwuma wɔ sika korabea. Ɛwom sɛ wɔwoo Nkrumah wɔ Koforidua de nanso Nkrumah fi Akyim Anyinase.
Adesua ho nsɛm
Nkrumah hyɛɛ ne sukuu ase wɔ St. Bernadette Sukuu a ɛwɔ Dansoman na ɔtoaa so kɔɔ ntoaso sukuu wɔ Pope John Senior High School a ɛwɔ Koforidua. Kojo toa n'adesua no so kɔɔ sukuupɔn wɔ Cape Suapɔn no mu ma no gyee abodin krataa.
Wɔ afe 2012 mu no, Kojo wie Suapɔn a ɛwɔ Nkran mantan mu; University of Ghana ma no nyaa abodin krataa wɔ edwadie ho nsem mu.
Wɔ afe 2014 mu no, Kojo san nyaa abodin krataa a ɛfa mmaranim ho, a ɛyɛ (LLB) fi suapon a ne din Gimpa hɔ. Mfie mienu na ɔde suaa ade de gyee saa abodin krataa no.
Wɔ mfie 2016 mu, asemdibea kunini a ɛwɔ ɔman Ghana mu de abodin krataa maa Kojo se Ghana mmaranimfo.
Adwuma ho nsɛm
Nkrumah hyɛɛ n’adwumayɛ ase wɔ adwumakuo bi a ne din de British American Tobaco wɔ afe 2006 mu. Na saa adwumakuo yɛ tawa ho nnwuma. Ofii hɔ kɔɔ Joy Fm, kɔyɛɛ adwuma sɛ sɛmkyerɛwfoɔ. Akyiri wɔfaa no sɛ otitenani ma wɔn anɔpa dwumadie, bere a nea na odi saa dwumdie a ne din de Komla Dumor firi hɔ. Wɔ afe 2014 mu no, Nkrumah de ne dwumadie sɛ sɛmkyerɛfoɔ no too hɔ na obue ɔno ankasa n'adwumakuo a wɔfrɛ no West Brown Stone Capital.
Wɔ afe 2016 mu no, ɔhyɛ aseɛ yɛɛ adwuma sɛ mmaranimfoɔ wɔ mmarahye adwumakuo a wɔfrɛ no Kulendi, Attefuah and Amponsah.
Amanyɔsɛm
Wɔ afe 2015 mu no, Kojo Oppong Nkruma kɔgyinae wɔ New Patriotic Party(NPP) din mu sɛ wɔnto ne so aba, na watumi abɛyɛ mmarahyɛ beguafo a ogina hɔ ma Ofoase-Ayirebi abatoɔ mpesua so wɔ Ghana ma NPP amanyɔkuo no. Odii nkunim wɔ 2016 Ghana Mpesua abatoɔ mu sɛ mmarahyɛ bedwani ma Ofoase-Ayirebi mpesua wɔ Ghana mmarahyɛbadwam. Wɔsan paw no sɛ mmarahyɛ badwani ma saa abatoɔ mpesua yi wɔ Ghana 2020 Mpesua Abatoɔ mu.
Sesei, ɔresom sɛ ɔsoafo a ɔhwɛ amaniebɔ so wo Ghana. Ɔsan yɛ kasamafo ma aban no wɔ sikasem ho amaneɛbɔ ho. Wɔ mmarahyɛ bedwam no ɔka kuo a wɔhwɛ sikasem ntotoe ho.
N'abrabɔ mu nsɛm
Nkrumah yɛ Kristoni.
Beae a menyaa mmoa fii
This article uses material from the Wikipedia Twi article Kojo Oppong Nkrumah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nsɛm a ɛwɔ ha yi bo nnu CC BY-SA 4.0 gye sɛ wɔkyerɛ sɛ bo no yɛ foforo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Twi (DUHOCTRUNGQUOC.VN) is an independent company and has no affiliation with Wiki Foundation.