1970 Марат Садыйков

Марат Садыйков
Марат Садыйков
Туган телдә исем	Марат Наил улы Садыйков
Туган	27 гыйнвар 1970; СССР, РСФСР, ТАССР, Буа (Татарстан)
Үлгән	29 гыйнвар 2023 (53 яшь); РФ, ТР, Казан
Яшәгән урын	Юлиус Фучик урамы, Казан
Милләт	татар
Ватандашлыгы	СССР→; РФ
Әлма-матер	Казан дәүләт медицина университеты
Һөнәре	табиб, депутат, министр
Җефет	Динара Илгизәр кызы
Ата-ана	Наил Сәлах улы,; ТР сәламәтлек саклау министры урынбасары (1989-2003) (әти); Нәзирә Шайхелислам кызы (?―2023), табиб-невролог (әни);
Бүләк һәм премияләре	Татарстанның атказанган табибы; Татарстанның Дәүләт премиясе (фән һәм техника өлкәсендә);
Гыйльми дәрәҗә:	медицина фәннәре кандидаты[d]
	Марат Садыйков Викиҗыентыкта

Википедиядә Садыйков фамилияле башка кешеләр турында мәкаләләр дә бар.

Марат Садыйков, Марат Наил улы Садыйков (1970 елның 27 гыйнвары, СССР, РСФСР, ТАССР, Буа ― 2023 елның 29 гыйнвары, РФ, ТР, Казан) — табиб, ТР сәламәтлек саклау министры (2018 елның 14 февраленнән 2023 елның 29 гыйнварына кадәр), медицина фәннәре кандидаты (1999), Татарстанның атказанган табибы, Татарстанның Дәүләт премиясе лауреаты (фән һәм техника өлкәсендә). Татарстанның IV (2009-2014), V (2014-2019) чакырылыш Дәүләт Шурасы депутаты.

Тәрҗемәи хәле

1970 Марат Садыйков — М.Н. Садыйков, *табиб*

1970 елның 27 гыйнварында Буада туган. «Балалар табибы» белгечлеге буенча Казан дәүләт медицина институтын тәмамлаган (1993). Ординатураны поликлиник педиатрия кафедрасында үткән. Чыгарылыштан соң кафедрада ассистент булып эшләргә калдырылган. 1999 елда ул сәламәтлек саклауны оештыру темасы буенча кандидатлык диссертациясен яклаган.

Хезмәт юлы

1996 елда 18нче Шәһәр клиник хастаханәсенең консультатив-диагностика үзәге баш табибы урынбасары итеп билгеләнгән.
2000 елдан Казан онкология диспансеры баш табибы. Ул җитәкләгән сигез ел эчендә онкодиспансер заманча югары технологияле үзәккә әверелә.
2008 елның июленнән 2018 елның февраленә кадәр Казанның 7-санлы шәһәр клиник хастаханәсенең баш табибы.
2018 елның 14 февраленнән 2023 елның 29 гыйнварына кадәр ТР сәламәтлек саклау министры.

Иҗтимагый эшчәнлеге

Татарстанның IV чакырылыш Дәүләт Шурасы депутаты (2009-2014)
Татарстанның V чакырылыш Дәүләт Шурасы депутаты (2014-2019). ТР Дәүләт Шурасының социаль сәясәт комитеты әгъзасы .

Бүләкләре, мактаулы исемнәре

Татарстанның атказанган табибы.
Татарстанның Дәүләт премиясе (фән һәм техника өлкәсендә).
Сәламәтлек саклау отличнигы.
Югары категорияле сәламәтлек саклауны оештыручы.
2022 ― Россия Федерациясе Эчке эшләр министрлыгының «Хокук тәртибен ныгытуга керткән өлеше өчен» медале .
2023 ― Пирогов ордены (үлгәннән соң) ― «сәламәтлек саклау өлкәсендәге казанышлары һәм күпьеллык намуслы хезмәте өчен»

Вафаты

2023 елның 29 гыйнварына каршы төндә Казанда 53 яшендә вафат. Мәрхүмне Казанның Тынычлык бистәсендәге зиратта җирлиләр.

Хәтер

2023 елның июнендә Казанның 7нче шәһәр клиник хастаханәсенә Марат Садыйков исеме бирелгән.
2024 елның 22 февралендә Татарстан Республикасы Министрлар Кабинетының «Казанның Маршал Чуйков урамы, 54 йорт адресы буенча урнашкан 7нче шәһәр клиник хастаханәсе бинасы фасадына истәлек тактасы кую карары» кабул ителгән
2024 елның 28 февралендә Казанның 7нче хастаханәсе территориясендә Марат Садыйковка бюст ачылган .