Тайфур Сәгыйтов
Тайфур Сәгыйтов, Тайфур Бари улы Сәгыйтов (баш. Тайфур Барый улы Сәғитов, 1936 елның 15 апреле, БАССР, Белорет районы, Атнагол — 2018 елның 26 апреле, РФ, БР, Уфа) — язучы.
БАССР атказанган мәдәният хезмәткәре (1986). Сергей Чекмарев исемендәге әдәби бүләк иясе.
| Тайфур Сәгыйтов | |
|---|---|
 Тайфур Сәгыйтов | |
| Тугач бирелгән исеме: | баш. Тайфур Барый улы Сәғитов |
| Туу датасы: | 15 апрель 1936 |
| Туу урыны: | Белорет районы, Атнагол авылы, БАССР |
| Үлем датасы: | 26 апрель 2018 (82 яшь) |
| Үлем урыны: | Уфа |
| Ватандашлык: |  ССРБ→ Русия |
| Эшчәнлек төре: | проза |
| Иҗат итү еллары: | 1953 — 2018 |
| Юнәлеш: | хәрби проза |
| Жанр: | повесть, роман, хикәя |
| Иҗат итү теле: | рус теле |
| Дебют: | «Спасибо вам, люди!» (1976) |
Тәрҗемәи хәле
1936 елның 15 апрелендә БАССР Белорет районы Атнагол авылында туган.
Сәрмән урта мәктәбен (1957), Уфада дәүләт университетын (1963) тәмамлый.
Учалы районының «Байрамгул» совхозында, Уфа эре панельлы йортлар төзү трестында эшли.
Белорет районы һәм республика газета — журналларында эшли. 1963 — 1967 елларда «Ленинец» («Ленинсе», «Йәшлек») газетасында (беренче шигыре дә шунда басыла), 1967 — 1970 елларда «Совет Башкортстаны» газетасында, 1970 — 1984 елларда «Башкортстан кызы» журналында эшли, «Агыйдел» журналының баш мөхәррир урынбасары, Уфа китап нәшриятында мөхәррир була. Уналты ел «Связист Башкортостана» газетасының мөхәррире вазифасында эшли.
«Истоки» газетасының баш мөхәррире (1990).
2018 елның 26 апрелендә 83нче яшендә Уфада вафат була.
Иҗаты
Әдәбиятка журналистика аша килә. Беренче әдәби әсәре 1953 елда Сәрмән районы газетасында басылган. «Рәхмәт сезгә, кешеләр» (1976) исемле очерклар җыентыгы, «Сабантуй» (1978) романы укучылар тарафыннан җылы кабул ителә. Озак еллар дәвамында башкорт атлыларының Бөек Ватан сугышында күрсәткән батырлыкларын өйрәнеп, төрле жанрдагы әсәрләр бастыра. «Каһарманнар юлыннан» документаль хроникасы, «Күңел төбендәге сер» (1982) китабы нәшер ителә. Рус һәм башкорт телләрендә 21 китабы дөнья күрә.
Бүләкләре, мактаулы исемнәре
- 1986 — БАССР атказанган мәдәният хезмәткәре
- Сергей Чекмарев исемендәге әдәби бүләк иясе
Иҗат берлегендә әгъзалыгы
- ССРБ журналистлар берлеге әгъзасы (1963).
- ССРБ язучылар берлеге әгъзасы (1980).
Чыганаклар
- Совет Башкортстаны язучылары (биобиблиографик белешмәлек). Уфа, 1988.(башк.)
Сылтамалар
- Китап-Уфа сайты 2016 елның 5 март көнендә архивланган.
- БР әдәби картасы
Моны да карагыз
Искәрмәләр
This article uses material from the Wikipedia Tatarça / Татарча article Тайфур Сәгыйтов, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.