Ang Monowi ( /ˈmɒnoʊ-waɪ/ MON-oh-wy) ay isang inkorporadong nayon sa Kondehan ng Boyd, Nebraska, Estados Unidos.
Sang-ayon sa senso noong 2010, may populasyon ito na 1. Ito lamang ang tanging inkorporadong munisipalidad sa Estados Unidos na may ganitong populasyon. Ang nag-iisang residente, si Elsie Eiler, ay alkalde at gayon din ang katiwala ng aklatan, tagatagay (bartender) at sa gayon, naging paksa sa iba't ibang kuwento na kinaiinteresan.
Monowi, Nebraska | |
---|---|
Nayon | |
Karatula ng populasyon na makikita sa pagpasok sa Monowi mula sa silangan (2007) | |
Lokasyon sa loob ng Kondehan ng Boyd | |
Detalyadong mapa ng Monowi, Nebraska | |
Mga koordinado: 42°49′44″N 98°19′45″W / 42.82889°N 98.32917°W 98°19′45″W / 42.82889°N 98.32917°W | |
Bansa | Estados Unidos |
Estado | Nebraska |
Kondehan | Boyd |
Pamahalaan | |
• Alkalde | Elsie M. Eiler (R) |
Lawak | |
• Kabuuan | 0.55 km2 (0.21 milya kuwadrado) |
• Lupa | 0.55 km2 (0.21 milya kuwadrado) |
• Tubig | 0.00 km2 (0.00 milya kuwadrado) |
Taas | 405 m (1,329 tal) |
Populasyon (2010) | |
• Kabuuan | 1 |
• Taya (2019) | 1 |
• Kapal | 1.82/km2 (4.72/milya kuwadrado) |
Sona ng oras | UTC-6 (Sentral (CST)]]) |
• Tag-init (DST) | UTC-5 (CDT) |
Kodigong ZIP | 68746 (bahagi ng Lynch) |
Kodigo ng lugar | 402 |
Kodigong FIPS | 31-32550 |
GNIS katangiang ID | 0831379 |
Sang-ayon sa tradisyon, nanganghulugang "bulaklak" ang pangalang Monowi sa hindi pa natutukoy na Katutubong Amerikanong wika. Ipinangalan ang Monowi sa bulaklak dahil sa maraming ligaw na bulaklak sa orihinal na pook ng nayon.
Makasaysayang populasyon | |||
---|---|---|---|
Senso | Pop. | %± | |
1910 | 109 | — | |
1920 | 100 | −8.3% | |
1930 | 123 | 23% | |
1940 | 99 | −19.5% | |
1950 | 67 | −32.3% | |
1960 | 40 | −40.3% | |
1970 | 16 | −60% | |
1980 | 18 | 12.5% | |
1990 | 6 | −66.7% | |
2000 | 2 | −66.7% | |
2010 | 1 | −50% | |
2019 (est.) | 1 | 0% | |
Sensong Desenal ng Estados Unidos Taya noong 2012 |
Plinano ang Monowi noong 1902, nang pinalawak ang Fremont, Elkhorn at Riles ng Lambak ng Missouri sa puntong iyon. Isang tanggapan ng koreo ang naitatag sa Monowi noong 1902 at nanatiling nasa operasyon hanggang 1967.
Noong dekada 1930 ang mga tugatog na taon ng Monowi, nang umabot ang populasyon nito sa 150. Tulad ng ibang maraming maliliit na pamayanan sa Great Plains, nawala dito ang mga mas batang residente upang pumunta sa lungsod na nakakaranas ng paglago at nag-aalok ng mas magandang trabaho. Noong senso ng 2000, mayroon populasyon na dalawa ang nayon: Ang tanging mag-asawa, sina Rudy at Elsie Eiler, na nanirahan doon. Namatay si Rudy noong 2004, na iniwan ang kanyang asawa bilang ang nag-iisang residente. Sa ganitong kapasidad, nag-akto siya bilang alkalde, na binibigyan ang sarili ng isang isang lisensya para sa alak. Kailangan niyang gumawa ng munisipal na plano ng mga lansangan bawat taon upang makakuha ng pondo sa estado para sa apat na ilaw sa kalye ng nayon.
Bagaman halos inabandona ang nayon, mayroon itong bar o inuman na tinatawag na Monowi Tavern, na pinapatakbo ni Eiler para sa mga dumadaang manlalakbay at turista. Karagdagan pa dito, pinapanatili ni Eiler ang limang-libong-bolyum na aklatan ni Rudy, na itinatag sa alaala ng kanyang pumanaw na asawa.
Sang-ayon sa Kawanihan ng Senso ng Estados Unidos, ang kabuuang sukat ng nayon ay 0.21 milya kuwadrado (0.54 km2), na lahat lupain. Matatagpuan ang nayon sa malayong silangang bahagi ng Kondehan ng Boyd, sa hilagang-silangang rehiyon ng Nebraska. Matatagpuan sa pagitan ng Ilog Niobrara at mas malaking Ilog Missouri. Lynch ang pinakamalapit na pamayanan sa Monowi, na tinatayang matatagpuan sa layong 6.92 milya (11.14 km). Tinatayang matatagpuan ang nayon sa 193.97 milya (312.16 km) mula Omaha.
Tinatampok ng datos ng senso para sa Monowi ang pagiging tangi nito, dahil sa numerikong singularidad ng populasyon nito. Noong 2010:
Nasa loob ng Pampublikong Paaralan ng Kondehan ng Boyd ang lugar. Dating nasa loob ng distrito ng mga Pampublikong Paaralan ng Lynch sa Lynch ang lugar. Pinagsama ang distrito ng Lynch sa distrito ng Kondehan ng Boyd noong Hunyo 2017.
Kasunod ng Senso ng 1990, nakipag-ugnay ang alkalde ng Monowi na si Elsie Eiler sa brodkaster ng radyo na si Paul Harvey, na binanggit ang maling bilang ng populasyon ng Monowi sa isang pagsasahimpapawid.
Naitampok din ang nayon sa isang patalastas ng telebisyon ng Arby's (unang umere noong Hunyo 19, 2018) at Prudential (unang umere noong Setyembre 16, 2018). Ginamit din ang nayon bilang ang simulang lugar para sa pinakamalaking paskil pang-anusyo sa mundo, na natapos noong Hunyo 13, 2018.
This article uses material from the Wikipedia Tagalog article Monowi, Nebraska, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.