Mayo

Mayroon itong haba na 31 araw. Sa Emisperyong Hilaga, buwan ng tagsibol ang Mayo at sa Emisperyong Katimugan, taglagas naman ang buwan na ito. Samakatuwid, ang Mayo sa Emisperyong Katimugan ay ang katumbas na panahon ng Nobyembre sa Emisperyong Hilaga at ang kabaligtaran nito. Sa huling araw ng Mayo, tipikal na nagsisimula ang bakasyong tag-init sa Estados Unidos (Memorial Day o Araw ng Alaala) at Canada (Araw ni Victoria) na nagtatapos sa Araw ng Paggawa, sa unang Lunes ng Setyembre. Sa Pilipinas, karaniwang ipinagdiriwang ang pista ng Flores de Mayo na isang debosyon kay Maria. Isa lamang ang Flores de Mayo sa mga pagdiriwang sa buong mundo para kay Maria tuwing Mayo.

Ang Mayo (sa Latin Maius) ay ipinangalan sa diyosang Griyego na si Maya, na kinikilala kasama ang diyosa ng pertilidad noong panahong Romano na si Bona Dea, na ginaganap ang kapistahan tuwing Mayo. Salungat dito, nagbigay ng ikalawang etimolohiya ang makatang Romano na si Ovidio, na sinasabi niya na ipinangalan ang buwan ng Mayo sa maiores, Latin para sa "mga nakakatanda," at ang sumunod na buwan (Hunyo) ay ipinangalang iuniores, o "mga nakakabata" (Fasti VI.88).

 

Esmeralda ang birthstone o batong-kapanganakan ng Mayo, na tumutukoy sa pag-ibig at tagumpay. Ang mga bulaklak-kapanganakan ay ang Convallaria majalis (na tinatawag sa Ingles bilang lily of the valley) at Crataegus monogyna. Katutubo parehong halaman sa buong katamtamang malamig na Emisperyong Hilaga sa Asya, Europa, at katimugang Bulubunduking Apalchessa Estados Unidos, subalit naging naturalisado sa buong mundo ng katamtamang klima.

Buong buwan

• Buwan ng Mas Mabuting Pandinig at Pananalita
• Sa tradisyong Katoliko, Buwan ni Pinagpalang Birheng Maria ang Mayo
  • Flores de Mayo (Pilipinas)
• International Mediterranean Diet Month
• Pista ng Pag-aning Kaamatan (Labuan, Sabah)
• Buwan ng Musika sa Bagong Silandiya (Bagong Silandiya)
• Pambansang Buwan ng mga Alagang Hayop (Reyno Unido)
• Buwan ng Kalakalan sa Mundo

Iba't ibang petsa

• Araw ng Ina (Ikalawang Linggo ng Mayo sa Pilipinas)

Nakapirmi

• Mayo 1
  • Araw ng Paggawa (Pilipinas)
• Mayo 4
  • Araw ng Star Wars (Internasyunal)
• Mayo 5
  • Cinco de Mayo (Estados Unidos at Puebla, Mehiko
• Mayo 9
  • Araw ng Europa (Unyong Europeo)
• Mayo 12
  • Internasyunal na Araw ng mga Nars
• Mayo 28
  • Araw ng Watawat (Pilipinas, hinihikayat na ibandera ang watawat hanggang Hunyo 12)
• Mayo 31
  • Araw ng Walang Tabako (Internasyunal)