Demi Moore

Ipinanganak sa Roswell, New Mexico sa mga magulang na noon ay nasa kanilang kabataan bago siya ipinanganak, iniwan ni Moore ang paghahayskul sa edad na 16 upang magsimula sa pagmomodelo sa Europa, at humarap sa kamera upang makunan para sa isang piktoryal na hubo't hubad para sa magasing Oui noong 1980. Pagkaraang magpasinaya sa pelikula noong 1981, lumitaw siya sa operang nakakaiyak at pantelebisyon (soap opera) na pinamagatang General Hospital at inilunsad ang kanyang karera sa pamamagitan ng mga pelikulang katulad ng St. Elmo's Fire (1985) at About Last Night... (1986). Kasunod ng mga pagtatagumpay ng Ghost (1990), A Few Good Men (1992), Indecent Proposal (1993), at Disclosure (1994), si Moore ay naging pinaka mataas na binabayarang aktres sa Hollywood, na nakatanggap ng wala pang nakakagawang kabuuang kita na $12.5 milyon para sa Striptease (1996). Noong 2011, napangalanan siya bilang isa sa "100 Hottest Women of All-Time" (100 Pinaka Maiinit na mga Babae sa Lahat ng Panahon) ng Men's Health.

Demi Moore
Si Demi Moore habang nasa Gala ng Time 100 noong 2010.
Kapanganakan	(1962-11-11) 11 Nobyembre 1962 (edad 61) Roswell, New Mexico, Estados Unidos
Trabaho	Aktres, prodyuser, direktor, manunulat ng awit, modelo
Aktibong taon	1981–kasalukuyan
Asawa	Freddy Moore (1980–1985) Bruce Willis (1987–2000) Ashton Kutcher (2005–2013)
Anak	Rumer Willis, Scout Willis, Tallulah Willis

Hinango ni Moore ang kanyang pangalang pamprupesyon mula sa kanyang unang asawang musikero na si Freddy Moore, at siya ang ina ng tatlong mga anak niyang babae mula sa kanyang pangalawang asawa, ang aktor na si Bruce Willis. Pinakasalan niya ang kanyang pangatlong asawa, ang aktor na si Ashton Kutcher noong 2005, at nakipaghiwalay mula kay Kutcher noong Nobyembre 2011.